I november vann Kristiansund heile 33–22 mot Kolstad, då på heimebane.
I bortekampen onsdag kveld blei det ein langt mørkare kveld.
Til pause stod det 15–9 til trønderlaget, før gapet ned til Kristiansund blei større og større i andre omgang. Trass i ein god innspurt tapte KHK 25–21.
– Vi starta kampen veldig dårleg, noko som gjorde det vanskeleg å kome tilbake, sa KHK-trenar Gunnar Magnusson etter kampen.
– Spesielt 15 minutt er eg veldig skuffa over. Vi kjempar oss tilbake i kampen etter kvart, men det blei mykje bom og mange nøkkelspelarar som ikkje var heilt med.
Små opprykkssjansar, men ikkje umogleg
Med KHK-tap kunne både Falk-Horten og Halde Topphåndball rykkje frå i kampen om andre- og tredjeplassen.
Det klarte berre Halde Topphåndball. Med tre kampar igjen ligg Falk-Horten eitt poeng føre KHK, medan Halden har to poengs forsprang.
KHK møter derimot Halde på bortebane, og har dermed moglegheita til å hente inn forspranget.
– Det blir vanskeleg og vi må vere heldige, meiner Magnusson.
– Men vi skal gi alt til siste speleminutt. Men i dag var det skuffande, der vi ikkje presterte som normalt. Kolstad var best.
I 1. divisjon for herrar i handball er første- og andreplass direkte opprykk, medan tredjeplass betyr kvalifisering mot det tredje dårlegaste laget i eliteserien. På førsteplass finn ein Stord Elite, som så å seie allereie er opprykksklare.
- Les også:
- Les også:
- Les også: