Hjemmelaget musefelle i retten

Seier mus og menneske er ulike

Forsvarar John Christian Elden meiner påtalemakta snublar i lovverket og at avlivinga er forsvarleg. Det sa han i Høgsterett torsdag.
Statsadvokat Magne Nyborg sa i si prosedyre torsdag at mus har det samme følelselivet som andre pattedyr, som menneske.
Elden seier at ein ikkje kan sjå på mus og rotter på samme måte som menneske, og at det ikkje er samme plikter til dyrevelferdsmessig avliving.

– Burde vurdert andre metodar først

Statsadvokat Magne Nyborg meiner at Linda Strand burde ha tatt i bruk musefeller som avliva musene ved hjelp av CO² eller elektrisitet.
Han meiner ho burde vurdert dette før ho konstruerte si eiga felle der musene drukna.
Det kom fram i si prosedyre i Høgsterett torsdag.
Nyborg meiner at anken må forkastast, og at ho dermed må straffast.

Fleire hundre følgjer saka

Mellom 400 og 500 tilhøyrarar følgjer med elektronisk på Høgsterett si behandling av musesaka.
Det seier informasjonssjef Ida Dahl Nilssen.

Ho seier enkelte slit med å få nettilgang til behandlinga, men dei jobbar med å utbetre feilen.

Her er ei direktelenke som skal fungere.

Interessa for saka har vore så stor at Høgsterett bestemte seg for å strøyme saka. Det har berre vore gjort nokre få gonger før.

Meiner lova vernar alle dyr

Statsadvokat Magne Nyborg sa i Høgsterett torsdag at dyrvernlova vernar alle dyr, også mus og rotter.

Nyborg meiner drukning av dyr berre kan gjerast når det ikkje er mogleg å bruke andre og meir humane avlivingsmetodar.