Gjorde butikk av møkkajobb

Arbeidet med å kvitte seg med den illeluktande massen kan vere både tidkrevjande og hardt. No har ein god ide blitt ei ny næring som løyser problemet. Med moderne tankbil vert møkka køyrt både hit og dit.

Møkk frå omtrent 250 dyr kan lett bli eit mareritt. Det har dei tidlegare tømmerkøyrarane frå Nesjestranda i Molde funne løysinga på.

– Eg har ofte køyrt forbi desse møkkakommane men aldri tenkt over kor mykje arbeid det er for ei traktor å tømme slike mengder møkk, seier tankbilsjåfør Per Martin Horsgård.

Blir etterspurt andre stader i landet

Tankbilsjåførane starta med dette som eit prøveprosjekt for to år sidan. Då brukte dei spesialutstyr frå Danmark. Horsgård arbeider først og fremst i Møre og Romsdal, men han har òg fått telefonar frå heilt andre stader i landet.

– Eg har blitt ringt opp frå Larvik, fortel sjåføren.

Bonden Alf Kåre Mittet syns denne ideen er knallbra.

– Det er ein fryd at dei kan gjere dette arbeidet for meg, seier Mittet.