Ei kvinne blei sendt til sjukehus med røykskadar etter at ho blei evakuert frå kjellaretasjen i huset. Det skal ikkje ha vore andre personar i bygget.
– Brannen er under kontroll, seier innsatsleiar Olav Ramnefjell i Sunnmøre politidistrikt til NRK klokka 02.00.
i 05.30-tida fredag morgon held brannvesenet på å avslutte arbeidet på staden.
– Dei vil framleis halde eit auge med situasjonen, men brannen er sløkt, seier operasjonsleiar i Sunnmøre politidistrikt til NRK.
Ukjent brannårsak
Politiet veit så lang ikkje kva som var årsaka til brannen, men kriminalteknikarar jobbar på staden fredag for å finne ei mogleg brannårsak.
– Evakuerte til andre naboar
Både brannvesen, politi og ambulanse rykte ut til huset, som skal ha vore under oppussing. På grunn av sterk vind og fare for spreiing blei i alt 16 bustader i området evakuert, men desse fekk flytte heim igjen ved 02.30-tida.
Ifølgje Ramnefjell ser det ikkje ut for at andre hus har fått skade.
– Det var ein del gnistregn i starten, men det ser ut til å ha gått bra. Men brannvesenet kjem til å vere på staden og drive ettersløkking utover natta og morgonen, seier han til NRK.