Båtfolk sinte for pallar

Pallar etter tidenes største jonsokbål skaper problem for båtfolk. Bålgutane vil ikkje snakke om saka.

Video Bålrestar til besvær

Natt til laurdag brann verdas høgste jonsokbål i Ålesund, men over 40 meter pallar og tønner brann berre delvis opp før det velta i sjøen. No er drivveden frå bålet blitt eit problem for båtfolket. Bålrestar i form av svidde pallar, fjøler og plankestubbar driv i store mengder i farvatna rundt Ålesund etter rekordbålbrenninga i helga. For båtfolket i byen er rekveden til bekymring.

Harold Olsen

Båteigar Harold Olsen fryktar ei ulykke.

- Det kan jo skje ein katastrofe, det skal ikkje så mykje til for å forårsake ulykker, seier båteigar Harold Olsen.

Les også:

Tidenes bål

Slinningsbålet 2010

Fleire hundre pallar skal ha rausa på sjøen då Slinningsbålet 2010 var i full fyr.

Foto: Karina K. Mauren

For tidenes jonsokbål blei fyrt på på Slinningen i Ålesund fredag. 40 meter og 45 centimeter høgt blei det til slutt. Men fleire hundre pallar rausa på sjøen og låg ei tid midt i skipsleia. No har dei drive med vind og ver i fleire dagar.

- Vi har eit ansvar for å halde farleden framkommeleg, men har ikkje ressursar til å ta slike mengder, seier hamnefogd Birger Flem i Ålesund.

Vil ikkje snakke med NRK

Hamnefogden i Ålesund, Birger Flem

Hamnefogden i Ålesund, Birger Flem håper på ryddehjelp frå bålgutane.

Foto: Øyvind Berge Sæbjørnsen

Bålgutane, som har hausta mykje ære for tidenes jonsokbål, vil ikkje snakke med NRK. Ifølgje hamnefogden har dei via politiet lovd å vere med på oppryddinga.

- Vi hadde vel eit håp om at dei skulle hjelpe til, seier Flem tysdag ettermiddag.

Fryktar ulykker

Båteigarar i området fryktar at pallane i mellomtida skal føre til ulykker i fjorden. Harold Olsen meiner det er spesielt farleg for folk som ikkje er kjende i området. Båteigar Lars Ranes trur til dømes lenser kunne vore med å sikra bålet.

- Det kunne gjort at ikkje heile Borgundfjorden blei fylt med drit, seier han.