- Les:
Kampens einaste scoring kom etter 73 minutt, der Andreas Rødsand og Erlend Sivertsen spelte seg imellom, før førstnemnde slo inn. Frå kort hald banka Jan Banan Tømmernes ballen i mål.
Kristiansund har slite med skadar i vår, der både Jean Alassane Mendy og Tømmernes har vore skadde angrepsspelarar. Etter retur frå skade har begge notert seg for scoringar.
Mot Kongsvinger blei Tømmernes si scoring den einaste i kampen, og KBK vann 1-0 på heimebane.
Sigeren gjorde at Kristiansund klatra éin plass på tabellen og opp på 17 poeng.
- Les også:
– Aldri vore utspelt
Etter 11 serierundar har KBK 11 baklengs. Det er ikkje dårleg, meiner Kjetil Thorsen.
– Vi har prestert litt som venta så langt. Vi har vore rimeleg solide og sloppe inn få mål, seier den daglege leiaren i KBK.
Det har blitt to tap på heimebane, men tre sigrar etter søndagens kamp.
– Som nyopprykka har vi gjort det bra, og eg føler vi aldri har vore utspelt. Vi har teke nivået og heng godt med, meiner Thorsen.
– I dag mot Kongsvinger vippa det i vår favør, heldigvis.