– Det er ein fortent seier, dei skaper ikkje mykje på oss, seier Molde-trenar Erling Moe.
Moldensarane står med full pott etter tre seriekampar, og toppar med det tabellen.
Det sjølv om Moe måtte for andre kampen på rad stille utan ein klar spiss på topp.
Etter Fredrik Gulbrandsen og Veton Berisha rauk ut med skadar, steppa Kristian Eriksen og Magnus Wolff Eikrem inn på topp mot KBK.
Eirik Hestad har også fått ei meir offensiv rolle og sette inn Moldes første mål, før Eriksen fastsette resultatet.
– Klart det var viktig for oss å vinne. Men KBK gjorde ein bra match, og satte oss på prøve når vi hadde ballen, seier Hestad.
Han fortel at det var ein tøff kamp, men at dei fortente å vinne.
– Det blir berre nesten
Max Williamsen seier Kristiansund fikk ein god sjanse i starten av kampen, og ein litt seinare.
– Når vi ikkje set dei blir det sjølvsagt vanskeleg, og då slit vi med å bryte dei ned, seier han og legg til:
– Vi kjem ikkje til dei farligheitene vi har lyst til, og det blir berre nesten.
Ein medium prestasjon
KBK trenar Amund Skiri seier det er kjedeleg dersom dei skal vere avhengig av å skåre på dei få sjansane dei får tidleg i kampen.
– Vi må heller prøve å skape.
Skiri meiner likevel dei gav Molde ein grei kamp.
– Kampen i dag er ein medium prestasjon. Vi er ikkje topp, men heller ikkje svake. Vi gir Molde ein ok kamp, seier han og legg til:
– Eg trur oppriktig vi kan bli betre med tida, og det treng vi for å plukke fleire poeng.
Vertane steppa opp
I andre omgang steppa vertane opp og det tok ikkje meir enn elleve minutt før Eriksen dobla leiinga.
I sluttminutta sette Hestad ballen i mål for andre gong, men etter ein VAR-sjekk blei skåringa annullert og gjestene tildelt frispark for ein duell inne i feltet.
Molde-keeperen Jacob Karlstrøm var nøgd etter kampen, og meiner det var ein fortent siger.
– Det er så klart deileg, og det er sånn det skal vere, seier han.
Onsdag tar Molde imot Odd på heimebane, mens KBK skal fortsette jakta på sesongens første heimesiger mot Tromsø.
(NTB/NRK)