Månaden vi er inne i er tida for julebord og andre fester, og slike selskap involverer gjerne alkohol, og for mange eit høgare alkoholinntak enn resten av året.
Rundt 10 prosent av dei som blir tatt i kontroll dagen deretter har ei alkoholpromille på mellom 0,2 og 0,5, og mange av dei er ikkje klar over at de framleis er påverka, ifølgje Folkehelseinstituttet.
– Vi er inne i ei periode der det er sesong for julebord. Det kan mellom anna vere vanskeleg å få taxi og dårleg vêr, og mange kan bli freista til å ta enkle løysingar og vel å sette seg bak rattet, seier distriktssjef i UP, Per Einar Hollum.
- Les også:
Førebyggande
Politiet varslar at dei vil ha eit ekstra fokus på promillekontrollar i desember. Hollum seier dei håpar det vil verke førebyggande.
– Vi håpar at ved å gå ut og informera om at vi aukar talet på promillekontrollar, og bilistane ser oss langs vegane, så kan det vere med å førebygge at folk faktisk setter seg bak rattet når dei er påverka. seier han.
Måndag morgon var politiet ute og kontrollerte bilførar blant anna i Ulsteinvik.
- Les også:
Slik påverkar alkohol kroppen din
0,2 promille:
Augets evne til å fokusere hurtig og omstille seg frå lys til mørke blir redusert. Promillegrensa for å køyre bil er 0,2.
0,5 promille:
Litt «pussa». Evna til å oppfatte situasjonen og reagere presist på den byrjar å bli redusert.
0,8 promille:
Nedsett koordinasjonsevne og auka reaksjonstid.
1,0 promille:
Merksemda og konsentrasjonsevna er svekka, byrjar å bli trøytt, nedsett balanse og rørsleevne.
1,5 promille:
Bevegelsen nedsett, sløret tale.
2,0 promille:
Forgiftingssymptom. Ingen sjølvkontroll.
3,0 promille:
Ingen kontroll med urinblæra, fare for sanseløyse.