24 000 var innom Jugendfest

– Tre dagar Jugendfest er over. Besøkstala er klare, og suksessen eit faktum , seier festivalsjef Ante Giskeødegård.

Meir folk enn venta

Festivalarrangørane hadde venta eit besøkstal på rundt 20 000.

– Det kom meir enn rekna med, og det er berre positivt. Eg trur folk har kosa seg, og vi får berre positive tilbakemeldingar, seier Giskeødegård.

• Les også: The Prodigy laga stadionfest
• Les også: Hooteriade på Jugendfest
• Les også: - Heilt vanvittig bra!

Fornøgd med stadion

Giskeødegård seier dei var usikre på korleis Color Line stadion ville fungere som konsertarena gjennom festivalen.

– Vi må finjustere enkelte ting til neste år, men sett under eitt så fungerte stadion strålande, seier han. Røykesona i inngangspartiet var kanskje ikkje den beste løysinga, legg han til.

Ny fest hvis Rekdal vil

Momentium er klare til å ta i bruk Color Line også neste år.

– Ryddearbeidet er no i full gang, og i morgon skal Kjetil Rekdal inspisere bana. Godkjenner han den, tek vi sikte på å sleppe til også neste år, seier Ante Giskeødegård.