DNT har kjøpt hytta Geithorn i Ørsta
DNT Sunnmøre har kjøpt utleigehytta Geithorn på Standaleidet i Ørsta, og har med dette igjen eit overnattingstilbod rundt Hjørundfjorden.
Hytta har sengeplass til 11 personar, elektrisk straum og er godt utstyrt, ifølgje DNT. Alle hytter i DNT har sin eigen hyttekomité. Det vil også denne hytta få, og hyttesjef er alt på plass. Dette vervet er det Elisabeth Hovland som har fått.
Hytta vil bli formelt opna den 1. oktober, og denne hytta blir DNT Sunnmøre si hytte nummer 14.
