Etterforskar åtte saker
Politiet jobbar med å etterforske åtte saker knytt til eit ungdomsmiljø i Ålesundsområdet. Til no har ein gut i tenåra blitt tiltalt for mellom anna vald og truslar mot andre ungdomar. Politiadvokat Magne Kvalvik utelukkar ikkje at det kan bli tatt ut fleire tiltalar.
– Desse åtte sakene er relatert til hendingar i april og mai. Til no har det resultert i ein tiltale. Sakene har vore prioritert hos politiet og blitt grundig etterforska. Desse skal vurderast av påtale. Det er for tidleg å seie kva vurderinga blir, men på generelt grunnlag kan eg seie at om påtalemakta vurderer sakene som alvorlege nok, så blir det tatt ut tiltaler, seier han.