Severin vann Musikkprisen

Artisten Severin Nautnes (20) frå Gossen blei årets vinnar av Musikkprisen. Det melder Sunnmørsposten. Kåringa er eit samarbeid mellom avisa, Ocean Sound Recordings, Momentium, Sparebanken Møre og Amfi Moa. Stemmer frå publikum og juryen avgjer kven som vinn.

Vinnaren av Musikkprisen får spele inn musikken sin i Ocean Sound Recordings og spele opningskonsert under Jugendfest i Ålesund. I tillegg får han spele konsert under Trondheim Calling seinare i haust.