Solistprisen til Amalie Stalheim
Cellist Amalie Stalheim (28) er vinnar av Den norske solistpris 2021.
– Stalheim er midt inne i ein rakettkarriere som vekkjer oppsikt i Norden og internasjonalt. Amalie Stalheim har eit uvanlig breitt og interessant repertoar, der rykande ferske cellokonsertar og standardrepertoaret inngår like naturleg, seier Peter Herresthal, styreleiar i Den norske solistpris.
Prisen består av 100 000 kroner, og dessutan to prestisjefylte konsertoppdrag: Eigen konsert under Festspillene i Bergen 2022 og eit solistoppdrag saman med Bergen Filharmoniske Orkester 18. november i år. Konserten vert sendt i Hovedscenen på NRK2. I tillegg til Stalheim var fløytist Ingrid Søfteland Neset og fiolinist Miriam Helms Ålien nominerte til solistprisen.