Når Sofie på laurdag skal synge for oss er det frå musikalen "A Chorus Line". Songen heiter "The Music and The Mirror" av Marvin Hamlisch og Edward Kleban, men Sofie skal synge denne songen på norsk, og den er oversatt og omarbeida til norsk av Runar Borge. Allereie no kan du sjå Sofie synge denne songen på
På fanget til farmor
- Då eg var lita kunne eg heile ”alle barnas sangbok” både forlengs og baklengs.
Det var farmora som hjalp Sofie med å lese. Ho hadde farmora til å passe på seg, i staden for barnehagen fram til ho var tre år.
- Om alt var like pent? Veldig mogleg at det ikkje var det, men eg trur farmor likte det, for vi song mykje kvar einaste dag.
Pyntegjenstand
- På vidaregåande var det ein del av undervisninga å spele piano og gitar. Pappa er veldig glad i akustisk gitar, så han gjekk rett ut å kjøpte ein ny gitar. Den har kanskje blitt spela på eit par gonger, men har mest vore pyntegjenstand på rommet mitt.
Sidan Sofie valde å konsentrerte seg om stemma si i staden for gitaren var det resten av familien som tok ansvar når det gjeld desse andre instrumenta.
- Eg har ei veldig talentfull yngre søster som er kjempe flink på piano, ho dansar ballett og. Den yngre broren min er opptatt av musikk på data.
Og det har blitt store diskusjonar i familien om kven av foreldra Sofie har fått songstemma si frå.
- Mamma snakkar om at ho var barnestjerne, pappa er litt meir beskjeden. Sjølv trur eg at eg har plukka det litt her og der. Smart tenkt.
Kva vil du bruke pengane du vinn til?
- Eg vil studere, reise, og bli betre i det eg gjer. Eg har funnet ut at alt kostar pengar i denne verda.
På gøy med Sofie:
Er det noko du er spesielt dyktig til?
- Eg har ekstremt lang tunge som eg kan strekke overalt. Eg kan ta den opp på nasa og til og med plukke meg i nasa med tungespissen. Ja det er ekkelt, men det er ein kunst!
Samlar du på noko?
- Eg har ein tendens til å samle på blomster som eg har fått. De visner og eg heng dei opp på veggen. Støvsamlarane mine!