Om RapiNord kjem vidare til Kjempesjansen frå Nettsjansen vil dei framføre ”Fiolinan” (Rap-Porter/Schtein, Sample: L. Bremnes). Allereie no kan du sjekke ut .
På dialekt
Det er ikkje ofte ein hører rap på tromsødialekt, men no er det mogeleg, RapiNord har forandra på det. Desse tre gutane som utgjer RapiNord er i byrjinga av tjueåra, alle er under utdanning og alle draumar om å lage eit skikkeleg studioalbum, på si eiga dialekt.
Meir enn eit prosjekt
Då gutane framførte tekstane sine for kvarandre var det berre på gøy, men så byrja dei å spele inn plater, då ville dei ha litt meir konkret tilbakemelding på det dei laga.
- Familie og venar hørte på, men dei meiner jo at alt er bra, vi fekk ikkje så veldig konstruktiv kritikk frå dei akkurat. Difor la vi tekstane våre ut på Internett, der fekk vi både positiv og negativ tilbakemelding, med andre ord noko vi lærte av.
På grunn av denne tilbakemeldinga meiner gutane at dei har fått utvikla seg i riktig retning.
Kva vil dei bruke pengane dei vinn til?
- Pengane vil gå til å få i gong eit skikkeleg studioalbum.
På gøy med RapiNord:
Kva slags merkelege ting kan du finne på når du har ein fridag?
- Male. Eg syntes det er litt sært, men det er herleg avkopling.
Har du tatt nokre kurs som var heilt bortkasta?
- Kung-Fu. Trenaren sendte meg på operasjonsbordet då han klarte å sparke skuldra mi ut av ledd.
Kva er ditt mest idiotiske kjøp?
- Eg kjøpte ein leikebil på Internett, har aldri hatt bruk for den, men reklamen på den stemte! ”Verdas minste leikebil”.
