Originale Haydn-notar funne i Oslo

To unike Haydn-skisser har dukka opp i Nasjonalbibliotekets arkiv. Sjå Arve Tellefsen spele etter handskrifta til meisteren.

Video 0b6ffa75-e1c6-4ec2-b081-fb4a9ad4290c.jpg

VIDEO: Arve Tellefsen spelar etter originale Haydn-notar. Nasjonalbibliotekar Vigdis Moe Skarstein lyttar spent.

Arve Tellefsen har spelt Joseph Haydn før, men ikkje slik som dette. Øvst i høgre hjørne på notane han spelar etter kan ein tydeleg sjå signaturen til Haydn. Og den er ekte.

Det er to arrangement for stykka «The Braes of Ballenden», utgitt i 1803, og «Wandering Willie», utgitt i 1806, som mystisk har dukka opp i Nasjonalbibliotekets arkiv.

Dei vart oppdaga før jul, men det var først i dag at nasjonalbibliotekar Vigdis Moe Skarstein kunne offentleggjere at dei sit på originale Haydn-manuskript, etter at nasjonalbiblioteket i Wien og Haydn-instituttet i Køln hadde konkludert med at handskrifta var ekte.

Sjå innslag frå Dagsrevyen:

Video Haydn-noter pakkes ut

Sjeldne

Arrangementa er av skotske og walisiske folketonar, og vart skrivne mot slutten av Haydns liv. Joseph Haydn arrangerte nærare 400 slike folketonar, og dei var svært populære i hans samtid.

Øyvind Norheim, førstebibliotekar ved Nasjonalbiblioteket, fortel at det i dag berre finst to andre bevarde skisser av Haydn sine arrangement av skotske folketonar, èin i London og èin i Paris.

– Dette er eit svært interessant funn, meiner han.

Stykka er tidlegare spelt inn av plateselskapet Brilliant med songarane Lorna Anderson og Jamie McDougall saman med klavertrioen Haydn-Trio Eisenstadt, på plata «Scottish Songs for William Whyte, part 1.»

Høyr innspelinga her:

Eit mysterium

Det er framleis eit mysterium korleis skissene hamna i Noreg.

– Til Nasjonalbiblioteket kom det via Cappelens forlagsarkiv. Men korleis det hamna der, er foreløpig eit mysterium. Så vi får sette eit par detektivar på den jobben der, seier Norheim.

Han forklarar at det på Haydn si tid var vanleg at eksklusive manuskript endte opp hos privatpersonar.

– Frå byrjinga av 1800-talet langt fram mot 1900-talet så delte ein ut manuskript i aust og vest som relikviar til interesserte personar som gjerne ville sikre seg eit eksemplar signert meisterens hand. Og Haydn var meistrane sin meister, så desse skissene var nok etterspurde, seier Norheim.

Haydn-manuskript

Rullen som dei originale Haydn-skissene vart funne i, merka 'Haydn Lie' og 'Cappelen'.

Foto: Maren Kvamme Hagen

– Fantastisk

– Dette er heilt fantastisk, seier nasjonalbibliotekar Vigdis Moe Skarstein. Ho fortel at dei no vil offentleggjere funnet slik at det blir tilgjengeleg for Haydn-forskarar over heile verda.

Kvar dei sjeldne notane endar opp er enno ikkje avgjort, men dei kan vere på veg ut av landet igjen.

– Eg synest at det kanskje bør samlast med andre originalmanus av Haydn, til dømes i nasjonalbiblioteket i Wien, men det må diskuterast både med Cappelen og med kulturdepartementet, seier ho.

Innholdet som skulle vises her støttes dessverre ikke lenger.
Innholdet som skulle vises her støttes dessverre ikke lenger.

Diskuter saka her!

Kulturstrøm

  • USA sender kunstskatter til Irak

    USA vil tilbakeføre rundt 17.000 arkeologiske kunstgjenstander til Irak. Iraks statsminister Mustafa al-Kadhemi, som tirsdag møtte president Joe Biden i Det hvite hus, skal ta med seg mest mulig av skattene når han torsdag flyr hjem til Bagdad.

    Mye stammer fra det gamle Mesopotamia, og mange små dokumentbiter viser hvordan handelen foregikk i den sumeriske perioden 3000–4000 år før vår tidsregning, heter det i en uttalelse fra kulturdepartementet. Kulturminister Hassan Nazim sier at dette er den største tilbakeføringen av stjålne skatter til Irak noensinne.

  • Mathias Calmeyer er død

    Skuespilleren, dramatiker og regissør Mathias Calmeyer har gått bort etter lang tids sykdom, melder Dagbladet. Han ble 57 år gammel. Calmeyer er sønn av skuespiller Joachim Calmeyer. Han etterlater seg kone og to barn.

    Mathias Calmeyer
    Foto: Fredrik Varfjell / NTB
  • ZZ Top-musiker Dusty Hill er død

    Ifølge bandvennene i ZZ Top, Billy Gibbons og Frank Beard, døde Dusty Hill hjemme i Houston, Texas. Bassisten ble 72 år. – Vi er dypt lei oss over å høre nyheten om at vår venn, Dusty Hill, har gått bort mens han sov hjemme i Houston. Vi, sammen med en hærskare av av ZZ Top-fans over hele verden, vil savne din stødige tilstedeværelse, skriver bandet på sin Facebook-side.

    Dusty Hill
    Foto: Lionel Cironneau / AP