Nina har fleire år bak seg på Operahøgskulen, der ho no tek mastergrad. Ho drøymer ikkje berre om å få synge i Bjørvika, men og om å bli ei internasjonal operasangarinne. Ho meiner at det norske folk treng å få litt opera inn gjennom fjernsynsruta, og ikkje berre topp 20 musikk.
Det er ikkje det Nina kallar Topp 20 musikk ho skal synge på Kjempesjansen Laurdag den 9. september kan du høyre Nina synge "O mio babbino caro" av Giacemo Puccini. Men allereie no kan du sjå og høyre Nina på hennes
.Sceneskrekk
Første gong Nina sto på scena var i Narvik, då var ho med på ”Spelemann på taket”. Ho spelte ein av dei unge gutane.
- Det var heilt storarta, eg elska det.
Då ho skulle synge på konservatoriet for førte gong var ho kjempe nervøs. Heldigvis er sceneskrekken vekke no, men det tok lang tid før ho fekk jaga den vekk.
Når Nina går på scena og syng går ho inn i ei rolle, ho blir ein annan når ho står der i scenelyset. Det er viktig å spele ei rolle, og ikkje berre stå der å synge. Og det er ein av grunnane til at ho har Maria Callas som sitt store forbilde.
Vil bli som Maria Callas
Nina siktar høgt og fortel at ho vil bli som Maria Callas. Ho var ei av dei største operasongarinnene i verda. Det er viktig å ikkje berre stå rett opp og ned på scena når ein syng, men å gå inn i rolla, og det er grunnen til at Maria Callas er Nina sitt forbilde.
- Ho gjer det med sjel. I tillegg har ho ein teknikk som var utruleg briljant og solid.
Kva vil du bruke pengane du vinn til?
Eg vil bruke dei til å utvikle meg vidare som operasongar, reise på konkurransar og songprøver, og kanskje ein og anna konsertkjole.
På gøy med Nina:
Rutinar du gjer før du skal opptre?
- Yogaøvingar, pusteøvingar og oppvarming av stemma.
Noko du MÅ ha/ MÅ gjere før eller etter ein opptreden?
- Ro, vatn og ei banan.
Flause i samband med opptredne?
- Kom ein gong med ytterklede på når eg skulle gjere min entré. Trudde eg hadde god tid, men då hadde konserten vart ei god stund og folk hadde venta på meg i 10 minutt allereie.