Motown Records 50 år

Motown sto bak ein revolusjon innan populærmusikken på 1960-tallet. Eventyret starta i ein ombygd garasje i Detroit.

Supremes
Foto: AP

Motown er ei forkorting for motor town, som også har vore kallenamnet på Detroit. Både opphavet til namnet og sjela til plateselskapet ligg i den verdskjende bilbyen.

Se Lydverket: Hjemme hos Motown

Berry Gordy Jr.

Berry Gordy jr. starta Motown Records.

Foto: RON FREHM / AP

Berry Gordy jr. er mannen bak det heile. Han starta karriera som låtskrivar, men følte at inntektene ikkje sto i forhold til innsatsen. Gordy såg at det var meir pengar å hente i både plateproduksjon og rettigheiter. Difor lånte han 800 dollar av familien og starta sitt eige plateselskap. Dessutan ville han ha svart musikk og svarte artistar inn på den kvite platemarknaden.

Del av fridomskampen

Motown sto bak ein revolusjon innan populærmusikken på 1960-tallet. Selskapet spelte ei avgjerande rolle i integreringa av svart musikk på dei kvite poplistene. Og dei svarte si sjølvkjensle steig i takt med listeframgongane til Motown. Midt i dei viktigaste åra for den afroamerikanske borgarrettigheitsrørsla vart Motown ein del av fridomskampen.

Stevie Wonder

Stevie Wondervar blant dei som sto i front for suksessen til Motown Records.

Foto: RIC FELD / AP

Låtane frå bilindustribyen prega hitlistene verda over. Kjende artistar som Stevie Wonder, Marvin Gaye og The Supremes var blant dei som sto i front for suksessen.

Under den mestselgande perioden på midten av 60-talet var Berry Gordys slagerfabrikk nesten utelukkande opptatt av singlar. Endelause straumar av landeplagar rulla ut frå samlebandet i Detroit. Ingen i USA hadde fleire superhits enn The Supremes midt på 60-talet.

"Motown Sound"

Under storheitstida var det ingen som kunne måle seg med plateselskapet. Dei utvikla sitt eige uttrykk, "Motown Sound", som var popinfluert soulmusikk. Låtskrivarane og produsentane var dei same. Det faste husbandet The Funk Brothers sto nesten alltid bak songarane. Plateselskapet skapte eit eige unikt lydbilete.

Selskapet vart ein like stor suksess forretningsmessig. Berry Gordy demonstrerte at også afroamerikanarar kan få stor makt i musikkbransjen. I 1972 flytta Motown til Los Angeles. Artistane fekk større musikalsk fridom, men mange meinte at sjela til selskapet låg att i Detroit. Gründeren Berry Gordy selde seg ut i 1988. I dag held Motown til i New York og er eigd av Universal Music Group.

Og framleis pregar storheitene frå 60- og 70-talet musikkbiletet. I 2008 var Marvin Gaye nummer seks på musikkmagasinet Rolling Stone si liste over dei 100 største songarane i verda.


Kulturstrøm

  • Karnevalet i Rio starter fredag

    Flere millioner turister og fastboende er ventet til karnevalet i Brasil. Folkefesten varer seks dager til ende. Én av de store attraksjonene er konkurransen mellom byens sambaskoler i den berømte paraden.

    Sambadansere under fjorårets karneval i Rio.
    Foto: CARL DE SOUZA / AFP
  • Vil ikke hindre riving av Y-blokka

    Fylkesmannen vil ikke hindre riving av Y-blokka. Det er klart etter behandlingen av klagen mot Oslo kommune. Kommunal- og moderniseringsminister Nikolai Astrup sier til NRK at de samtidig har mottatt varsel om det kommende søksmålet mot staten, og har ingen ytterligere kommentarer til saken.

    Y-blokka
    Foto: NRK / NRK
  • Joaquin Phoenix støtter norsk film

    Oscar-vinneren ble så rørt av den norske dokumentarfilmen «Gunda» at han gikk rett inn som medprodusent. Filmen følger en norsk grisemor og hennes grisunger på nært hold, og er regissert av Viktor Kossakovsky. «Gunda» vises søndag under Berlinalens nye konkurranseseksjonen Encounters, og er også med i dokumentarfilm-konkurransen.

    Dokumentarfilmen Gunda regissert av Viktor Kossakovsky
    Foto: Egil Håskjold Larsen/Sant&Usant / NTB