Monopol blir kinofilm

Hollywood børstar støvet av klassiske brettspel. Snart kjem Monopol og Cluedo på kinolerretet!

monopol
Foto: Rosa Iren Villalobos / NRK

Terningen er kasta. Du flyttar brikka felt for felt, og stoppar opp. Trekkjer eit kort, og les:

- "Deres hus og hoteller brenner!"

Dette høyrest kanskje ikkje ut som ein popcorn-film frå Hollywood, men skal vi tru spel- og leiketøygiganten Hasbro, er Monopol som skapt for det store lerretet.

Saman med filmselskapet Universal er Hasbro nemleg i gang med å forvandle det litt trauste spelet til ei filmkomedie.

Mange spelfilmar på veg

Remo Rehder

Brettspelentusiast Remo Rehder gler seg til at brettspela skal innta kinolerretet.

Ein av dei som gler seg, er spelentusiast og dagleg leiar for nettstaden brettspillguiden.no, Remo Rehder.

- Det kan bli gøy dette her. Eg veit ikkje kva Monopol-filmen vil innehalde enno, men det er alltid spanande å oppleve brettspel i andre format.

I tillegg til Monopolfilmen, er filmatiseringar av spela Battleship, Magic: The Gathering, Cluedo, Ouija, og Candyland under planlegging.

Og det er ikkje tilfeldig at nettopp desse blir filmatisert, seier Rehder.

- Det er vel snakk om verdas kanskje meste kjente brettspel, med unntak av historiske spel som sjakk og ludo. Så det er klart at dette er store merkevarer.

Ridley Scott lagar Monopol

Ridley Scott

Stjerneregissør Sir Ridley Scott kastar seg over terningane.

Foto: Peter Kramer / AP

Det er sjølvaste Sir Ridley Scott, mannen bak storfilmar som "Gladiatoren" og "Blade Runner", som skal lage komedien basert på Monopol.

Medan Hollywood-tungvektarane Michael Bay og Gore Verbinski skal skape henholdsvis "Ouija" og "Cluedo".

Men trass i store namn, er filmmeldar i Dagbladet, Vegard Larsen, usikker på kva resultatet av Hollywood si brettspelinteresse vil resultere i.

- Dette er filmar som er laga for å generere store pengar. Då kan det bli alt frå veldig morosamt til veldig, veldig trist.

Larsen trur at det er mogelegheita til å unytte eit etablert merkenamn som lokkar Hollywood på bana.

- Desse spela er jo nokon av dei mest kjente merkevarene som finst. Det blir spanande å sjå kva sjangrar historiene vil spele seg ut i.

Håper på auka speleinteresse

Scott si filmatisering av Monopol kjem truleg på kino neste år. Remo Rehder håper filmen vil føre til auka interesse for brettspel.

- Det hadde jo vore hyggjeleg om ein kunne spore nokon inn på å prøve noko dei ikkje har gjort på ei stund.

Foreløpig er det ingen planar om norske brettspelfilmar. Men dagleg leiar i brettspill.no, Nils Håkon Nordberg, meiner norske produsentar har nok av gode spel å ta av.

- Det har jo til dømes blitt laga brettspel av bokserien "Phenomena", ein norsk fantasy-serie for barn à la "Ringenes Herre". Og så har du meir abstrakte spel som Smarte penger, og Passport, der filmen kunne bli ein tur verda rundt. Så det er eigentleg ingen hindringar her.

  • Kva brettspel trur du hadde gjort seg på kino?

Kulturstrøm

  • Filmpolitiets guide til HBO-seriene

    «Better Things» og «Billions» er blant seriene Filmpolitiet mener du absolutt ikke bør bla forbi i HBO Nordic-spilleren. Hør hvorfor, og hvilke andre serier du bør få med deg her:

    Det kan være vanskelig å finne frem i seriejungelen, og jungelen hos HBO Nordic er tett. Vi vet om noen skatter du absolutt ikke bør bla forbi! Her snakker vi ikke om de mest opplagte seriene som for eksempel «Game of Thrones» og «Fargo», men har funnet frem noen av våre favoritter som har gått litt under radaren for mange. Vi tar for oss «The Magicians» (2 min), «Better Things» (9 min), «Billions» (15 min), «Tales from the Tour Bus» (24 min), «The Leftovers» (31 min), «Mr Inbetween» (39 min), «Killing Eve» (46 min).
  • Skuespilleren Bruno Ganz er død

    Den sveitsiske skuespilleren Bruno Ganz er død, 77 år gammel. Ganz ble født i Zürich, hvor han også døde lørdag. Det skriver blant annet Deutsche Welle. Ganz er blant annet kjent for rollen som Adolf Hitler i den Oscar-nominerte filmen Der Untergang i 2004, en rolle han høstet en rekke priser for. (NTB)

    Bruno Ganz
    Foto: Erlend Aas / NTB scanpix