På Broadway i New York, utdanka denne helga «Løvenes konge» bestselgaren «The Phantom of the Opera». Musikalen frå det afrikanske slettelandskapet har no solgt for 700 000 amerikanske dollar meir enn det franske kjærleiksdramaet. Totalt har musikalen solgt for snart 854 millionar dollar.
Simba på skjerm og scene
Løvenes konge, baserer seg på ein Disneyfilm frå 1994, og vart satt opp som musikal tre år etter. Suksessen no kan ein takke publikum for, uttaler produsent og president i Disney teaterproduksjonar, Thomas Schuman:
- Millionar av dei som opplever sitt første Broadwayshow, gjer dette no gjennom «Løvenes konge». Det at så mange får oppleve gledene av levande teater gjennom vår musikal, fører til at historia vert vidareført, og dette er som ein stor arv.
Simba med vortesvinet Pumba og marekatten Timon, i musikalversjonen av 'Løvenes konge'.
Foto: PATRIK STOLLARZ / Afp«The Phantom» størst globalt
På den globale billettmarknaden, er det likevel «The Phantom of the Opera» som held på førsteplassen.
Den franske episke kjærleikshistoria mellom det gode og det onde, har til no solgt for 5,6 milliarder dollar.
Dette er nesten èin milliard meir enn dei kongelege afrikanske løvene.
- Les også Filmpolitiet si anmeldelse av filmen her: Løvenes konge 3D
