Vil du høyre Jan Erik synge "Anthem" frå Chess (av: B. Andersson/ T. Rice/ B. Ulveus) kan du sjekke ut hans. Denne songen skal han og synge på Kjempesjansen på laurdag.
Sidan han var tre år har det berre gått ein veg, nemleg framover, han begynte å synge offentleg som niåring.
- Då var eg kjemperedd og knea slo som kastanjettar.
Til tross for dette gav det faktisk meirsmak for 28-åringen.
Badestrandsongar
Om sommaren då Jan Erik var rundt 10-15 år jobba han med å synge på stader der det var mykje folk, som på badestrender.
- Det var heilt normalt for meg, men litt rart for gutane som spelte fotball i gata.
All denne synginga rundt om blant folk har nok kanskje vore bryet verdt, for allereie som femtenåring fekk han platekontrakt saman med søstera. I dag er han ferdig utdanna ved Statens Operahøgskule.
- Ein av draumane mine er sjølvsagt å synge på den nye Norsk Opera, og å kunne leve an å synge.
Kva vil du bruke pengane du vinn til?
- dei vil eg å bruke til å kjøpe meg eit piano, og på å få meg eit ordentleg rom til å øve i heime.
På gøy med Jan Erik:
Har du tatt nokre heilt usaklege kurs?
- Tok eit truckførarbevis i militæret, noko eg aldri har brukt, som då altså er heilt bortkasta.
Kva er ditt mest bortkasta kjøp?
- Treningskort på SATS, eg er og blir ”støttemedlem”.
