Her er Gullrute-vinnarane

Jentene på Toten fekk pris for Beste dokusåpe - sjå dei andre vinnarane her.

Jentene på Toten

Her er Gullrute-vinnarane Jentene på Toten fekk Gullrute-pris.

Foto: Gunhild Agdesteen / NRK

Utdelinga av den norske tv-prisen Gullruten er no avslutta . Totalt vart det delt ut prisar i 15 ulike kategoriar, i tillegg til folkets pris og heidersprisen.

NRK henta heim heile 10 av 15 prisar under utdelinga av Gullruten-prisane laurdag kveld. TV 2 stakk av med fire prisar, medan TV 3 fekk ein.

Beste barne- og ungdomsprogram vart NRK-programmet Megafon, er eit program som handlar om barns tid og pengar, forbruk og rettar.

TV 2-programmet Torsdag kveld fra Nydalen har berre halde på sidan våren 2009. Men allereie i kveld fekk komikarane Morten Ramm, Henriette Steenstrup, Else Kåss Furuseth, Odd-Magnus Williamson og Henrik Thodesen pris for beste humorprogram.

Thomas og Harald på Gullruten

Thomas og Harald med sin Gullrute-pris.

Foto: Gunhild Agdesteen / NRK

- Eg vil takke produsentane i Feelgood for at dei kan lage peniskostyme og , fordi dei kan vekkje Morten Ramm kvar dag, var berre ein liten brøkdel av alt Else Kåss Furuseth ramsa om i ei halsbrekkjande fart i takketalen.

Jentene på Toten, som følgjer fleire transepersonar, har i vår vorte ein svært populær serie på NRK. I kveld fekk programmet pris for Beste dokusåpe.

Senkveld med Thomas og Harald vart kåra til beste underhaldningsprogram. Thomas Numme og Harald Rønneberg har hatt programmet på TV 2 sidan 2003. Harald Rønneberg har tidlegare fått to Gullruteprisar, ein for beste mannlege programleiar i 2006 og Publikumsprisen i 2004.

Elleve deltakarar med ulike funksjonshemmingar har i vår imponert tv-sjåarane i si reise over Nordkalotten, saman med reiseleiar Lars Monsen - Ingen grenser vart årets reality.

Lars Monsen - Ingen grenser

Ingen grenser vart årets realityserie.

Foto: Gunhild Agdesteen / NRK

Harry & Charles har fått to Gullrute-prisar, både for beste tv-drama og for beste kvinnelege skodespelar, Maria Bonnevie si tolking av Dronning Maud.

- Kvar skal vi gjere av alle desse, Maria, sa Fredrik Skavlan spøkefullt til kjæresten Maria Bonnevie, då han fekk pris for beste mannlege programleiar.

- Det er veldig vanskeleg å vere så dritglad i så høge hælar, sa Anne Lindmo.

Lindmo fekk pris som beste kivnnelege programleiar for Store Studio på NRK.

86 år gamle Sossen Krogh fekk saman med Anette Hoff årets heiderpris. Dei har begge spelt i Hotel Cæsar på TV 2 sidan starten i 1998.

HER ER ALLE VINNARANE:

Beste barne- og ungdomsprogram:
NRK for NRK: Megafon

Beste humorprogram:
Feelgood Scene Film og TV AS for TV 2: Torsdag kveld fra Nydalen

Beste dokusåpe:
Limelight Film & TV for NRK: Jentene på Toten

Beste underhaldningsprogram:
Monster Entertainment for TV 2: Senkveld med Thomas og Harald

Beste fakta- eller aktualitetsprogram:
TV 2 for TV 2: Jakten på den mistenkte

Beste magasin- eller livsstilsprogram:
Rubicon TV for TV3: Luksusfellen

Årets nyskaping:
Feelgood Scene Film og TV AS for TV 2: Torsdag kveld fra Nydalen

Beste tv-dokumentar:
Bivrost film & TV for NRK: Min Mammas Gård

Beste nye programserie:
Strix Televisjon for NRK: Klasse 10B

Beste TV-drama:
NRK for NRK: Harry & Charles

Beste reality:
Mastiff for NRK: Ingen Grenser

Beste mannlege skodespelar:
Gard Eidsvold i God natt elskede

Beste kvinnelege skodespelar:
Maria Bonnevie i Harry & Charles

Beste mannlege programleiar:
Fredrik Skavlan i Skavlan

Beste kvinnelege programleiar:
Anne Lindmo i Store Studio

Folkets pris:
Lars Monsen

Heidersprisen:
Anette Hoff og Sossen Krogh


Innholdet som skulle vises her støttes dessverre ikke lenger.

Kulturstrøm

  • Saksofonist skal redde truet fugl

    Et energiselskap i New Zealand vil prøve å redde fuglearten kākāpō ved hjelp av musikk. Det fins bare 147 fugler igjen av den kritisk truede arten, som er en type papegøye.

    Selskapet Meridian Energy støtter newzealandske viltmyndigheter i arbeidet med å redde kākāpōene. Nå håper de at sensuell musikk skal få fuglene i paringshumør. Derfor søker det etter en saksofonist som skal spille for dem, skriver Limelight Magazine.

    En fugl av arten kākāpō
    Foto: Wikimedia Commons / Flickr / Department of Conservation
  • Zeshan Shakar på lydboktoppen

    «Tante Ulrikkes vei» er den skjønnlitterære romanen flest har lyttet til i 2018 i strømmetjenesten Fabel, melder Gyldendal forlag. Zeshan Shakars debutroman er lyttet til dobbelt så mange ganger som den neste romanen på lista. Shakar fikk i fjor Tarjei Vesaas debutantpris for romanen, som ble den nest mest solgte boka i 2018, uavhengig av genre. Den skal bli teater, TV-serie og oversettes til engelsk.