Dán jagáš Sámi Grand Prix assigoavdái geassá, fállá geahččaladdi hyper-rap-musihka ja boktá Disney-dovddu! Muhto geaidda lea árvvoštalli guoktás eanemus jáhkku dán jagi?
Ánne Márjá Guttorm Graven:Máret Inger juoigá hui garrasit, ieš liikošin jus veahá litnásat juoiggašii. Sus lea veahá skárton jietna, muhto dat han gal heive luohtái.
Ellisiv Sunde Myrva:Dán šuoŋas gulan unna gánddaža gii lea hui ilus ja ealas. Mun oaččun dakkár dovddu man oadjebas sáhttá leat go olmmoš lea mánná.
Ánne Márjá Guttorm Graven:Go gulan luođi de oainnán guovttejahkásačča gii viehká geassejogaža goldit, ja eatni gii lea nu rámis go oaidná mo su bártnáš lea sturron.
Ánne Márjá Guttorm Graven:Juoigá bártnis rámiin.
Ánne Márjá Guttorm Graven:
Ellisiv Sunde Myrva:Sáhttá bat oba gávdnotge olmmoš gii ii liiko veahá stoahkat? Galggašii beassat leat mánnán agibeaivái!
John Stone Fire – «Virtni borgačalbmi»
Dajahusat ja šuokŋa: John Steinar Baal
Ellisiv Sunde Myrva:Ovtta sigareahta vel, de šaddá Tom Waitsan, jáhkán 😅 John Stone Fire (dahje Jon Steinar Baal, nu mo su namma rievtti mielde lea) juoigá jienain mii lea vásihastán.
Ánne Márjá Guttorm Graven:Dát luohti ii bovtte nu garra dovdduid mus, dohkke guldalit, muhto ii leat dat luohti masa buoremusat liikon. 🤔
Ellisiv Sunde Myrva:Mu mielas borjjasta hárjánan SGP-oasseváldi luohti veahá guđege guvlui, dasa leat seaguhuvvon máŋga ritmma ja távtta, muhto das leat mihtilmasvuođat. Nu ahte in mun oalát fáhte man doaimmalaš dát badjeolmmoš lea.
Ánne Márjá Guttorm Graven:Áibbas ok ovdanbuktin. Lea dakkár luohti mii ii bovtte nu garra dovdduid. Oalle jámma jietnageavaheami, inge nagot riekta fáhtet dajahusaid. Dát luohti ii jáhkit mu gal.
Ellisiv Sunde Myrva:Dás lea mihtilmasvuohta man olmmoš fuomáša, iige nu sakka dat ovdanbuktin. Ja mihtilmas, dan son gal lea!
Dajahusat: Nils-Ove Kuorak, šuokŋa: Máret Ristiinna Hætta Sara
Ellisiv Sunde Myrva:🐶
Ánne Márjá Guttorm Graven:Vuogas bealljái ja váibmui.
Ánne Márjá Guttorm Graven:Nils-Ove Kuorakas lea nu erenoamán vuogas juoiganjietna. Luođis leat litna mohkit ja njuovžilis dajahusat.
Ellisiv Sunde Myrva:Jo, lea oadjebas ja starga máidnodahku.
Ánne Márjá Guttorm Graven:Dat mii lea nu erenoamáš dáinna luđiin lea ahte govvida vilbealis vielpá bokte, mu mielas dat lea duođaid buorre vuohki dajahaddat.
Ánne Márjá Guttorm Graven:Sáhttá leat ahte Máhtte Ánte, gean Nils-Ove juoigá, ii nu sakka liiko fuomášupmái. Ja go beatnaga bokte dajahaddá, de váldojuvvo Máhtte Ánte vuhtii, seammás go gudnejahttojuvvo.
Ellisiv Sunde Myrva:Sávan ristáhčči lea guldaleddjiid searvvis gealdagasas vuordimin go lea dán luođi vuorru! Dan livččen aŋkke mun dahkan, go dás lea dovddut čoddagis.
Ánne Márjá Guttorm Graven:Mu mielas lea nu somá go nuorat juiget dákkárlágan luđiid main leat ollu mohkit ja mas maid mohkiid sáhttá fanahallat, ja ieš luohti lea maid vuogas bealljái. Lávre govvida ristáhčis čábbát dáinna luđiin.
Ánne Márjá Guttorm Graven:
Ellisiv Sunde Myrva:Lea váibmoruohttasis viežžan dán luođi 💗
Ellisiv Sunde Myrva:
Poplávlagat ortnetvuorus:
1 NTÏV – «Čáhci»
Teaksta ja šuokŋa: Johánas Nutti Lampa
Ellisiv Sunde Myrva:Dál lea hyper-rap ollen SGP:i! Das lea vel oalle ollu eaŋgalasgiella ja juoigi Piera Eira maid searvvis.
Ánne Márjá Guttorm Graven:Jo, lea ollu mii dáhpáhuvvá! Muttát garra ráppa, mu mielas gal. Lea njuovžilis lávlla masa sáhttá dánsut vel. Teakstalinját leat bohtet njuovžilis rávdnjin, sámegiella ja eaŋgalasgiella lea vuohkkasit seaguhuvvon.
Ellisiv Sunde Myrva:Lean sihke gullan ja lohkan ollu "dan ođđa luođi" birra, muhto dát gal hirpmástuhtii mu! Dá dat vissá lea, dat ođđa luohti.
Ánne Márjá Guttorm Graven:Lea rehálaš lávlla psyhkalaš dearvvašvuođa birra, ja dat nanne olbmo. Mu mielas lea luohti maid vuogas, vaikke livčče sáhttit leat buoret fátmmastuvvon lávlagii.
Ellisiv Sunde Myrva:Jo, NTÏV:s lea rehálaš lávlla, muhto mu mielas orru maid veahá almmáštalli, go das lea diet tiippalaš "ovdal sii vašuhedje mu, dál sii buohkat vigget leat dego mun"-vuoigŋa.
Ellisiv Sunde Myrva:MUHTO, ovdal dát oaivil cieggá munnje, de juoigagoahtá Piera Eira, ja bágge lávlaga luoddanit dovdduiguin. Tákta rievdagoahtá, ja go de NTÏV lávlu maŋimuš refreaŋŋa, veahá eará láhkai dán háve, lea lávlla láddan munnje.
Ellisiv Sunde Myrva:
Ánne Márjá Guttorm Graven:Dát lávlla ii dáidde buohkaide heivet. Muhto NTÏV dahká dan man sihke máhttá ja liiko, sihke musihkkárin ja buvttadeaddjin, seammás go ođasmahttá šáŋŋera.
Ánne Márjá Guttorm Graven:Dát lávlla gal duođaid hirpmástuhttá!
Ánne Márjá Guttorm Graven:
2 bycecilia – «Mannem åajaldahteme»
Teaksta ja šuokŋa: Cecilia Dyrøy
Ellisiv Sunde Myrva:Bycecilias lea popmokta, ja dát refreaŋŋa gal darvána.
Ellisiv Sunde Myrva:"Mannem åajaldahteme" buktá nostalgiijadovddu. Eanaš Bycecilia dihte, go son lávlu nu čielgasit ja stargadit ráhkisvuođamorraša birra. 💔
Ánne Márjá Guttorm Graven:Jearaldat "Mannem åajaldahteme?" (Leatgo vajáldahttán mu?) lea oassin rašis teavsttas mii lea dan birra ahte vuorddaša gullat das geasa lea liikostan.
Ánne Márjá Guttorm Graven:Dát lávlla seailluha Sámi Grand Prix árbevieruid. Čuvges, muhto fámolaš jietna, mii giitevašvuođain lávlu min čáppa luonddu ja divrras máttuid birra.
Ánne Márjá Guttorm Graven:Lea ollu, lea čáppat, ja galggašii jáhkkit mun lean dolkan dán šáŋŋeris, muhto in gusto lean. Doaibmá ain!
Ellisiv Sunde Myrva:"Giitosat" sáhtášii biddjot njuolga Disney-filbmii. Measta háliidišgohten ahte muohttigoahtá. Ii oba sáhtege nu ahte ii lihkostuva skájain ja čáppa harmoniijaiguin!
Ellisiv Sunde Myrva:
Ánne Márjá Guttorm Graven:Son lávlu stargadit ja čábbát, ja musihkka huksejuvvo dakkár vugiin ahte doalvu mu duoddarii 😌
Ánne Márjá Guttorm Graven:
4 Sivvu – «Govddun»
Teaksta: Milla Elmiina Pulska, šuokŋa: Milla Elmiina Pulska ja Armas Aschberg
Ellisiv Sunde Myrva:Dađibahábut sáhtášii mu dihtii dát lávlla čuojahuvvot muhtin Lindex-gávppis. Ii leat mihkkige boastut, muhto ii dat leat nu gelddolašge.
Ánne Márjá Guttorm Graven:Lea vuogas lávlla mii ii bovtte stuorámus dovdduid. Čuvges, veahá skárton, jietna heive lávlagii bures.
Ánne Márjá Guttorm Graven:Dá orru leamen diekkár lávlla mii čuojahuvvo iđitija go feasta nohkagoahtá. Lea áigi mannat ruoktut, muhto lea nu buorre beare čohkkát ja guldalit dán lávlaga, nu ahte čohkkedan fas suffái, jáhkka vel badjelis, ja guldalan dán lávlaga oktii vel.
Ellisiv Sunde Myrva:Lea nu njuohpa, ii leat masa dohppe, ja lea váttis muitit lávlaga go lea nohkan.
Ellisiv Sunde Myrva:Mu mielas dat lea veahá anonyma.
Ellisiv Sunde Myrva:
Ánne Márjá Guttorm Graven:Lávlaga namma heive hui bures dasa! Lávlaga namma han lea "Govddun", ja lávlla dagaha dán dovddu: lea dego livčče vuodjagoalki ja mun beare govddun.
Ánne Márjá Guttorm Graven:Muhto jo, dát dáidá vajálduvvot gilvvu maŋŋá.
Ánne Márjá Guttorm Graven:
5 Ánndaris Rimpi – «I goassak vuollána»
Teaksta: Ánndaris Rimpi, šuokŋa: Ánndaris Rimpi ja Christoffer Berg
Ánne Márjá Guttorm Graven:Sensuála ja psykedelalaš fápmolávlla!
Ánne Márjá Guttorm Graven:Lea dego dát lávlla lea seaguhus The Knife:s ja Queen:s. Vaikke lean guldalan Ánndaris Rimpi juovlalávlagiid (ja Olafan Jikŋon-filmmas), de ádden easkka dál ahte mis Sámis han lea min iežamet Queen! Queen Rimpi!
Ánne Márjá Guttorm Graven:Lea nu suohttasit dahkkon dainna luđiin duogážis, ja dat loktesta lávlaga vel badjelii. Olles lávlla lea devdojuvvon movttain ja doaivagiin, ja loahpahuvvo vel hávskes giđđadovdduin go cizážat vel vizardit 🥰
Ellisiv Sunde Myrva:Dáidá leat dat eanemus stoahkalas ja originála lávlla dán jagi! Ánndaris hárjáneapmi musihkkabarggus máŋggaid jagiid iešguđetge dáiddahámiin ofelastá fatnasa oadjebasat gáddái.
Ánne Márjá Guttorm Graven:Lávlla álgá jaskadit ja de veahážiid mielde bohtet eanet elemeanttat, ja de loahpahuvvo dollarusoniiguin ja luohtekonfettiin!
Ellisiv Sunde Myrva:Jo, lea duođaid somá!
Ellisiv Sunde Myrva:Teaksta movttiidahttá gáskkestit bániid, iige vuollánit, muhto lávlagis eai leat dat klišeat mat dábálaččat leat dákkár sáttasánis. "I goassak vuollána" goaiku, ruošká ja civká!
Ellisiv Sunde Myrva:
Ánne Márjá Guttorm Graven:Mun láven duođaid liikot lávlagiidda mat nagodit čuohcat munnje rumašlaččat jietnageavahemiin dahje leavttuin. Dát lávlla dohppe mu ja lokte mu albmái, ja bálkesta mu disco-gomuvuhtii 🚀
Ánne Márjá Guttorm Graven:
6 Hanna Nutti – «Áhpi»
Teaksta ja šuokŋa: Hanna Nutti
Ellisiv Sunde Myrva:Jur dego Eurovision!
Ánne Márjá Guttorm Graven:Lea stuorra vejolašvuohta ahte dá lea dán jagi vuoitolávlla! Lávlagis báitá fápmu ja searvevuohta, dat lea bures ráhkaduvvon, ja Hanna Nuttis lea lávlunjietna mii čuohcá.
Ellisiv Sunde Myrva:Lea fámolaš lávlla, das lea erenoamán lávlunjietna mas lea vuoigŋa. Livččen dušše sávvat ahte ii lean syntha mii galgá doallat lávlaga badjin... Vare buvttadeapmi livčče seamma buorre go lávlaga cealkámuš 😬
Ánne Márjá Guttorm Graven:Mu mielas dát orru leamen sámi poplávlla mas leat buot dat "rivttes" ávdnasat.
Ánne Márjá Guttorm Graven:Sánit min buolvvaid birra, min iežamet sajádaga birra luonddus ja mo dat lea min oadjebas hámman, ja mo ruoná molsašupmi áitá min guovlluid. Seagut dasa vel luođi ja šuoŋa mii dohppe du gihtii ja láide du, ja dus lea buorre lávlla.
Ellisiv Sunde Myrva:Mun čohkkán ja jurddašišgoađán man gallii lean gullan sullasaš lávlagiid, ja dalle gáidá dát lávlla mus.
Onsdag kveld ble ytterligere en bjørn skutt i Finnmark. En hannbjørn hadde tidligere på dagen gått inn i en reinflokk i Jarfjord i Sør-Varanger. Bjørnen ble forsøkt jaget bort av reindriverne, men forsøket var nytteløst.
– De prøvde å jage bjørnen bort på en distanse på ti kilometer. Men bjørnen snudde, og gikk på nytt inn i reinflokken, sier seniorrådgiver i rovviltseksjonen til Statens naturoppsyn, Pär Nilsen, til NRK.
Det var kalving i reinflokken. Nilsen sier reineier og Statens naturoppsyn hadde dialog med Miljødirektoratet igjennom dagen.
Det var da bjørnen på nytt gikk inn i reinflokken at Miljødirektoratet ga fellingstillatelse for bjørnen.
– Søknaden ble gitt muntlig, mens fellingstillatelsen ble gitt skriftlig, sier Nilsen.
Dette var den andre bjørnen som ble felt i Finnmark denne uka. Onsdag morgen ble en bjørn skutt i Porsanger.
Onsdag morgen ble en bjørn felt i Porsanger i Finnmark. Den ble skutt etter at Miljødirektøratet innvilget fellingstillatese etter en søknad fra flere reinbeitedistrikt og beitelag.
