McEwan døde etter å ha vore sengeliggande sidan oktober, då ho vart råka av eit slag. Familien opplyser at ho sovna inn i går. Det skriv BBC.
Ho er for nordmenn mest kjent for rolla som detektiv Marple i serien «Miss Marple», som også har blitt sendt på NRK. Ho hadde rolla frå 2004 til 2009, og er ein av fleire skodespelarar som har tolka den velkjente rolla.
McEwan vaks opp i Berkshire i England, og gifta seg etter kvart med ein tidlegare rektor ved skodespelar-akademiet, Hugh Cruttwell. Saman fekk dei to barn.
I tillegg til rolla som Miss Marple har skodespelaren opptredd i fleire filmar og TV-seriar.
– Ho har introdusert Miss Marple to eit heilt nytt publikum, og me er takksame for måten ho har handtert den enormt krevjande arbeidsplanen, sa dramasjefen i TV-kanalen ITV etter at McEwan gav seg i rolla som Miss Marple i 2009.
