– Eg fekk spele med han like før og like etter at han slo gjennom. Det var svært lærerikt og inspirerande. Han opna augene mine for at ein kunne bruke folkemusikken på mange ulike måtar, seier Gjermund Larsen.
Larsen plasserer seg eit lite stykke frå Nordstoga på spektret mellom pop og folkemusikk:
– Den største skilnaden mellom oss er nok at Odd er tydeleg på at det han lagar ikkje er folkemusikk. Eg, derimot, lagar i eigne auge folkemusikk. Det kan innebere at musikken min blir oppfatta som smalare – mange reagerer av ein eller annan grunn negativt på den merkelappen.
Sjå Gjermund Larsen Trio spele i Musikkredaksjonen:
Andreplata ikkje vanskeleg
Det er vanleg oppfatning at det å gje ut den andre plata er særskilt vanskeleg, men det vil ikkje Gjermund Larsen gå med på.
– Det er ikkje så gale som folk trur. Einaste gongen eg kjente nervane kom, var rett før vi skulle gå i studio og starte innspelinga. Det var noko med det å gå over dørstokken til studio – no skulle det skje. Verken før eller seinare har eg tenkt noko særleg på det.
Sjå Gjermund Larsen og Sondre Meisfjord snakke med Musikkredaksjonens Lillian Olsen om sitt samarbeid her:
Fann tittel i siste liten
Både plata og tittelsporet «Aurum» (det latinske ordet for gull) mangla namn til like før cden skulle i trykken.
– Det kom ei dame bort til oss etter ein konsert og sa at vi var som gullgravarar, på jakt etter noko ekte i musikken. Det var eit veldig fint kompliment, og eg var desperat etter å finne eit godt namn. Dermed vart det «gull».
Les Kjetil Bjørgans omtale av «Aurum» her: