- Etterspurd og etterlengta

Kantor Amund Dahlen har laga Noregs fyrste lærebok i kyrkjeorgel på over 100 år. Han håper historia om Ferdinand som ufrivillig hamner på orgelkrakken vil bli ei redningsbøye for eit yrke i krise.

- Vi har ein lang og stolt orgeltradisjon i Europa, og denne må oppretthaldes, seier Dahlen.

Saman med forfattar Bjørn Sortland og illustratør Per Dybvig har han skapt ”Ferdinands Orgelbok”. Det er den fyrste norske læreboka i kyrkjeorgel som har kome ut sidan Peter Brynje Lindemann gav ut to bind i 1880. Boka kombinerer teori og lærestykke med historia om ein gut som noko motvillig tek inn orgelkrakken.

- Vi lever i ei visuell tid og det har skjedd enormt mykje i barnelitteraturen. Då er det på tide at det og skjer noko i spillelitteraturen, seier Dahlen.

Meir nyskapande musikkpedagogikk

Elisabeth Vannebo og Ruth Nonseid har laga Primera songbok. Den består av eit teksthefte og cd som skal inspirere til meir song i skulen. Dei to forfattarane meiner det er behov for meir nyskapande musikkpedagogikk.

(Artikkelen held fram under biletet)

- Mange av songane vi har med i boka kunne vi ikkje finne i andre norske songbøker, seier Vannebo og Nonseid. Som i "Ferdinands orgelbok" har det visuelle og pedagogiske vore viktig, så ein gut og ei jente som flagrar gjennom tekstene er gjennomgangsfigurar.

- Det er spanande å få nye ting på marknaden, og marknaden treng og nye spanande ting, seier forfattarane av songboka.

- Viktig med gode lærebøker

- I tillegg til den gode læraren som kan utfordre elevane, trengs det òg gode lærebøker, seier Vidar Hjemås, rektor for kulturskulen i Trondheim. Han set pris på kreative spelebokbidrag, men fortel at det varierar veldig kor flinke skulane er til å ta i bruk nytt materiale.

Men den nye læreboka i kyrkjeorgel veit han vil bli teken i bruk. Kulturskulen i Trondheim har 4300 elevar, men berre 5 speler kyrkjeorgel. Hjemås trur den nye boka kan bidra til å løyse organistmangelen i kyrkjene.

- Ei slik bok har være etterspurd og etterlengta. På min skole går dei nå og ventar på denne boka, seier Hjemås.