Eanas norgalaččat atnet muhtun NRK-bálvalusa beaivválaččat. Norggas atnet dábálaš beaivvis masá buohkat ovtta dahje moadde NRK-bálvalusa. Golmma TV-kánalas, 16 radiokanálas ja neahttabáikkis nrk.no leat NRKs máŋggalágan mediafálaldagat moanaid hámiin.
Govda sámi neahttafálaldaga gávnnat ges dás: nrk.no/sapmi
NRK galgá buohkaide fállat viiddis fálaldaga buohkaide riikkas. NRK lea buohkaid várás sáddehat, seammaládjego Danmarks Radio lea Danmárkkus, Sveriges Radio Ruoŧas ja BBC Stuorabritánnias.
NRKs lea sáddehatfidnun bargun dárogiela ja dáčča kultuvrra vuođul ráhkadit máŋggalágan mediafálaldaga buohkaide guđet Norggas ásset.
NRKs leat oktiibuot sullii 3 500 bargi, geain sullii 2 000 leat váldokantuvrras Marienlystas Oslos, ja dat eará 1500 bargit leat stuorát ja smávit NRK-ossodagain miehtá riika. Romssas, Bergenis ja Troanddimis leat NRKs stuora regiuvdnaguovddážat. Kárášjogas lea NRK Sámi váldobáiki, gos ráhkaduvvo govda sámi fálaldat sihke TVii, radioi ja nehttii. NRK lea Norgga stuorámus mediafitnodat mas leat ossodagat 56 báikkis miehtá Norgga.
Stuorradiggi bidjá meriid
NRK lea stáhta oasussearvi man doibmii Stuorradiggi bidjá meriid. Dát bargu lea addon sihke sáddehatlágas ja NRK-plakáhtas mas meroštallo NRK`sajádat ja bargu norgga servodagas.
NRK oažžu eanaš doaibmaruđa liseanssa dahje sáddehatdivaha bokte. Dát mearkkaša ahte buohkat Norggas guđiin lea tv-apparáhta, fertejit jahkásaččat máksit divaha mii ruhtada NRK doaimma.
Dás oažžu NRK jahkásaččat sullii vihtta miljárdda ruvnno ráhkadit viiddis ja riikaviidosaš mediafálaldaga. Sihke tv, radio, neahta ja eará ođđa hámiid bokte.
Dárogiela ja dáččakultuvrra vuođul
NRK fálaldat leat vuođđuduvvon dárogillii ja dáččakultuvrii. NRK lea leamaš kulturguoddin gitta álggu rájes 1933s. Miehtá riikkas - miehtá riikii, lea álo NRK doibmii leamaš deaŧálaš eaktun. Danne lea NRK juohke sajis riikas miel`-bargiiguin ja kántuvrraiguin.
NRK gođđá oktii Norgga riikan – sihke árgabeaivvis, hervvoštallamiin ja lihkohisvuođaid ja váivves dáhpáhusaid oktavuođas.
Govda sámi fálaldat
NRKs lea sierra divišuvdna, NRK Sápmi, mii fállá govda sámi fálaldaga TVs, rádios ja neahtas.
Nannen dihte sámegiela, kultuvrra ja identitehta, de ráhkadit dat sullii 110 miel`-bargi sihke Mánáid-TV, nuoraidprográmmaid, ođas-, dokumentára- ja kulturprográmmaid. Lagas beaivválaš, davviriikkalaš ovttasbarggus ráhkaduvvojit sámegiel TV-ođđasat, namalassii "Ođđasat".
NRK Sámis lea váldokántuvra Kárášjogas, máŋga báikkálaškántuvrra muđui Norggas, ja ovttasbargá riikarájiid rastá, sihke sámeáššiiguin ja eamiálbmotáššiiguin.
Eanasoassi fálaldagas lea davvisámegillii, muhto leat maid bissovaš fálaldagat sihke julev- ja lullisámegillii ja vel dárogillii.
Stuoramáilbmái geahčastat
Earet báikkálaš ja riikageahčastaga, de lea NRKs deaŧálaš bargun muitalit maid dan, mii dáhpáhuvvá olggobealde Norgga rájiid.
Ii ovttage eará Norgga mediain leat nu viiddis fierpmádat olgoriikkas go NRKs. NRKs leat gávcci korrespondeantta olgoriikkas ja ođasovttasbargu sihke davviriikkaid dábálaš sáddehagaiguin ja eurohpalaš sáddehatuniovnnain, EBUin.
Válljejit ovddimuš
NRKs lea ollesáigge leamaš buorre posišuvdna. Ođđa mediaáiggis, goas leat moanat válljenvejolašvuođat, de lea NRK ain dat máid Norgga mediageavaheaddjit válljejit ovddemus. Norggas válljejit logi olbmos lagabui ovccis dábálaš beaivvis geavahit ovtta dahje moadde NRK-bálvalusa.
NRK1š lea Norgga stuorimus TV-kanála ja NRK P1š ges lea Norgga stuorimus radiokanála.
Dábálaš tv ja radio leat ain bivnnuhat
Vaikko neahttageavahus laská jođánit ja nannosit, de lea geahččat TV ja guldalit rádio ain dat dábáleamos vuohki geavahit NRK fálaldagaid.
NRK TV-fálaldagaid oaččut sihke dan govda NRK1š-kanálas, čiekŋudankanálas NRK2š ja goalmmát kanálas NRK Superis/NRK3s. Maŋemus kanála gohčoduvvo NRK Superin beaivet ja veaigin, goas lea govda mánáidfálaldat, ja eahkedis ges NRK3in fálaldagain nuorra rávisolbmuide.
NRK govddimus radiofálaldat lea digitála hámiin. Dás fállojit olles 16 kanála. Váldokanálat - P1š, P2š ja P3š – leat visot hámiin, muhto leat máŋga kánala daid lassin digitála hámiin.
TV-fálaldat:
• NRK1š: Govda ja máŋggabealát prográmmafálaldat: Norgga stuorimus TV-kánala.
• NRK2 š: Čiekŋudankánala: Duogáš-, dokumentára- ja ođaskánala.
• NRK3š/NRK Super: Fálaldat mánáide beaivet ja eahketbeallai ges nuorra rávisolbmuide, ráidduiguin, suohttasiiguin ja filmmaiguin.
Sierrafálaldat TVs:
• NRK1š Seavagiella: TV-fálaldat NRK1š sáddagiin, mas dulkojuvvo bealjehis gehččiide.
Radiofálaldat:
Váldokanálat:
• NRK P1š: govda kanála eanaš olbmuide. Norgga stuorimus radiokánala. Govda guovllufálaldat.
• NRK P2š: Kulturkánala, mas lea dáidda, kultuvra, ođđasat, digaštallan ja servodatáššit.
• NRK P3š: Nuoraidkánala, mas lea ollu pop- ja rock-musihkka, humor ja nuoraide heivehuvvon ođđasat.
Váldokanálaid sáhtát gullat sihke FM-rádios ja máŋgga digitála hámiin – nu go neahttaradios ja mediain, máid gieđas doallá, DAB-rádios ja digitála eananeahtas.
Earet dan golbma váldokánala fállá NRK moanaid kánalaid sierra ulbmiljoavkkuide.
NRK Klassisk (klassihkalaš musihkka birra jándora), NRK Alltid Nyheter (ođđasat árratiđida rájes, maŋŋit eahkedii – BBC World Service gaskal diibmu 22.00s – diibmu 06.30 rádjái). NRK Sápmi fállá rádioprográmmaid sámegillii.
Neahttafálaldat – nrk.no
NRK neahttabáiki – nrk.no – fállá geavaheddjiide govda ja viiddis fálaldaga: Neahtta-TV, neahtta-rádio, ođđasat, duogášdieđut, govvagálleriijat, dálkebálvalus yr.no (ovttasbargu Meteorologaš Institutain) ja ollu eanet.
Dábálaš norgalaš guldala sullii seamma ollu rádio ja geahččá sullii seamma ollu TV go ovdal, muhto geavaha NRK govda neahttafálaldaga dađis eanet ja dávjjibut, go ovdal. Dađis lea dábáleappot šaddan geavahit NRK govda neahttafálaldaga PC, mobiltelefuvnna, neahttaduolbása ja eará ođđa hámiid reaidduiguin.
nrk.no ovdasiidu ođastuvvo dađis miehtá máilmmi ja Norgga ođđasiiguin.
Lassin nrk.no fállá NRK neahtas sihke teknologiijablogga nrkbeta.no, jietna- ja videoqrkiivva nrkskole.no, nuoraidneahttabáikki P3.no, mánáidneahttabáikki nrksuper.no, dálkedieđuid Yr.no ja olgodoaimmaidverráha UT.no.
Govda sámi neahttafálaldaga gávnnat ges dás: nrk.no/sapmi
Sámi prográmmaráđđi
NRKs lea sierra sámi prográmmaráđđi, mii goziha NRK sámi prográmmafálaldagaid. Sámi prográmmaráđi jođiheaddji lea Sáddehatráđi (Kringkastingsrådet) fásta mielláhttun. Norgga sámediggi dat nammada sámi prográmmaráđi miellahtuid.
Sámi prográmmaráđiin sáhttá váldit oktavuođa NRK Sámi bokte Kárášjogas.
Boastačujuhus lea: NRK Sápmi, Mari Boine geaidnu 12, 9730 Kárášjohka. Telefuvdna: 78 46 92 00. E-boastačujuhus ges lea: sapmi@nrk.no.
Olles ášši: Alt om Kringkastingsrådet
