Pressa søkte om å få kringkaste skokastinga i rettssalen i dag, men forsvararane til Anders Behring Breivik sette seg i mot ønsket.

Les tingrettens avgjerd (PDF)

Dommar Wenche Elizabeth Arntzen måtte avbryte gjennomgangen av dei siste obduksjonsrapportane fredag, da 20 år gamle Hayder Mustafa Qasim kasta ein sko mot Breivik og kom med skjellsord.

LES: Skokasteren: – Jeg gjorde det rette

LES: Skoen fra folkedypet

Mannen reiste seg i retten og ropte «You killed my brother. You killer! Go to hell» mot Breivik.

– Kan gi eit skeivt bilete

Utbrotet har vakt oppsikt sidan det bryt med den elles fredelege rettargangen i 22. juli-rettssaka.

Ifølgje forsvararane går rettssaka hovudsakleg verdig føre seg, og dei meiner dette opptrinnet ikkje er i samsvar med den fredelege rettargangen.

LES: – Skokastingen var et uttrykk for dyp frustrasjon

Dei meinte at kringkasting av opptrinnet ville gi eit skeivt bilete av korleis rettssaka går føre seg.

– Kan skape smitteeffekt

Aktor slutta seg til forsvaret sine protestar, og viste til at kringkasting av hendinga kan skape ein smitteeffekt.

Fleire bistandsadvokatar er også imot kringkasting av skokastinga, då etterlatne som sat i nærleiken ikkje vil bli kjent att.

Trass i offentleg interesse

Retten er likevel einig med pressa i at hendinga har offentleg interesse, men at det ikkje blir høve til å kringkaste det på grunn av personvernomsyn.

Sjølv om pressa har lov til å kringkaste delar av hovudforhandlingane i retten, er det ikkje høve til å kringkaste opptak av tilhøyrarane i salen, og særleg ikkje pårørande og etterlatne.

Tingrettsdommaren meinte difor at ei eventuell kringkasting av skokastinga ville vere i strid med reglane om at pårørande og etterlatne ikkje skal kringkastast utan samtykke.