Unjárga soaitá váldit dorvoohcciid

Eanas sámi suohkanat eahpidit. Muhto Unjárgga sátnejođiheaddji Inger Katrine Juuso gal áigu árvvoštallat cegget dorvoohcciruovttu.

Inger Katrine Juuso
Foto: Nesseby kommune

GULDAL: Dorvoohccit sámi suohkaniidda

Vaikko Juuso ii daja leat go sii gergosat ásahit dorvoohcciide ruovttu, de ii hilggo dan jurdaga.

– Fertet árvvoštallat sáhttit go fállat sidjiide albma dili. Leat go mis doarvái viesut, ja leago sidjiide dearvvašvuođafálaladat, dadjá Juuso.

Eai suitte

Norgga olgoriikkalaččaid direktoráhtta lea čállán reivve buot suohkaniidda Norggas, danne go 5000 ođđa dorvoohcci dárbbašivčče saji. Direktoráhtta áiggošii áinnas sin davvi-Norgii.

Muhto sihke sámi ja eará Finnmárkosuohkanat leat eahpesihkkarat. Poršáŋggu sátnejođiheaddji Mona Skanke ii loga sin oba suitit ge váldit dorvoohcciid orrut sin suohkanii.

Ballet váttisvuođain

Guovdageainnu Ovddádusbellodaga ovdaolmmoš Nils Mathis O. Hætta gal ii loga suohkana gearggusin váldit vuostá dorvoohcciid. Su oainnu mielde šattaše olu váttisvuođat:

GULDAL: Eai gearggus dorvoohcciide

Oanehaččat

  • Ođđa guollevuostáiválddahat

    Unjárgga gielda ja Norway Seafoods AS fitnodat leat boahtan ovtta oaivilii ođđa soahpamušain logi jahkái. Dáinná lágiin, sáhttet ođđa guollevuostáiválddahaga huksema plánát ollášuvvot. Plánejuvvon vistti šattášii sulli 250 kvadratmehtera stuoru, ja visttis galggášii leat buoret rusttegat. Dát galggášii leat huksejuvvogoahtan maŋemusat čakčamánu vuosttaš beaivvi. Dán čállá Unjárgga gielda neahttasiiddustet.

  • Sámeleavga ESC gilvvuide

    EBU hoavda, Jon Ola Sand duođašta NRK Sápmái ahte olbmot besset sámi leavgga váldit Eurovision Song Contest (ESC) gilvvuide Stockholmmas boahtte vahkus. Leavga lea dohkkehuvvon almmolaš leavga ja dát sáhttá maid movttidahttit Agnete Johnsena ja buot sámiid, dadjá Sand. Son muitala ahte ESC referánsajoavku šattai čoahkkinastit maŋŋel go bohte nu olu reakšuvnnat sámeleavgga ektui, ja doppe gávnnahedje ahte ložžejit njuolggadusaid veahá ja dohkkehit maid daid leavggaid mat leat dain guovlluin gos oasseváldit leat eret. Nu lea maid walisalaš leavga dohkkehuvvon, go juo okta gilvaleaddji lea Walesas eret, muitala vel Jon Ola Sand.

Laster Twitter-innhold