– Det kan godt vere forskjell på kvardag og helg

Som elles i veka er det mykje folk ute og handlar på ein tysdag. Og dei aller fleste har fått med seg at søndagsopne butikkar kan bli meir vanleg i nær framtid. Det er den nye regjeringa som opnar for dette.

– Det kan vere fint å få tak i matvarer om ein har gløymt å handle alt. Men eg er ikkje for at det skal vere fritt fram. Det kan godt vere forskjell på kvardag og helg, seier Karoline Isaksen. Ho er i ein butikk og ser etter klede til barna.

• Les også: Rema 1000 blir søndagsåpen

Kva meiner du? Delta gjerne i debatten i kommentarfeltet under artikkelen.

– Opp til kvar einskild

I regjeringserklæringa går Høgre og Framstegspartiet inn for å sleppe handelsnæringa fri. Det kan bli ei lovendring, og dermed kan butikkeigarane sjølve avgjere om dei skal halde ope på søndagane.

– Då blir det opp til kvar einskild. Og det er positivt, seier Harald Frostad, leiar i Ålesund sentrumsforening.

• Les også: Krever søndagsåpne butikker
• Les også: – Vil ha Nugatti på søndagene

– Kundane finn rom til handling

Men fleire av butikkmedarbeidarane NRK snakka med tysdag uttrykte ein viss skepsis til at butikkane skal halde ope på søndag.

– Eg er ikkje for dette. Vi har ope for publikum frå 10.00 til 20.00 på vekedagane og frå 10.00 til 18.00 på laurdagane. Eg trur at kundane finn rom til å kunne handle innanfor desse tidspunkta, seier butikkmedarbeidar Mari Østrem på Cubus i Ålesund.

• Les også: Formannskapet: Ja til søndagsåpne butikker i Ålesund
• Les også: Frykter at søndagsåpne butikker skal «stjele» viktig arbeidskraft

– Ta vare på vekerytma

I Ålesund fins det alt i dag nokre Brustad-buer som held ope på søndagar. I tillegg har Ålesund kommune sendt ein søknad om at butikkane i sentrum skal kunne halde ope i turistsesongen.

– Kristeleg folkeparti stemte i mot dette. Det fins gode rytmer i livet. Søndagen tilhøyrer denne gode rytmen. Difor er det viktig å ta vare på den dagen i veka då ein skal kvile, seier bystyremedlem Tore Johan Øvstebø, Krf.