Hopp til innhold

Sjå ei av Noregs beste dansarinner førebu seg til ballettpremiere

Laurdag kveld er det urpremiere på balletten «Woyzeck» på Hovedscenen i Den Norske Opera & Ballett. Sjå Eugenie Skilnand førebu seg til den kvinnelege hovudrolla som Marie i denne videoen!

Video Eugenie Skilnand førebur seg til Woyzeck-premiere

Eugenie Skilnand på scenen under prøvene til balletten «Woyzeck», som har premiere laurdag kveld. (Foto/redigering: Fred Olav Vatne)

Eugenie Skilnand vart fødd i Oslo i 1979, og har vore medlem av Nasjonalballetten sidan årtusenskiftet. Dei siste åra har ho hatt fleire store roller som solist, mellom anna som Julie i «Romeo og Julie» og som Blanche i «En sporvogn til begjær».

Laurdag denne veka er ho ein av hovudpersonane når «Woyzeck» har premiere på Operaens hovudscene. Britiske Philip Curell har den mannlege hovudrolla som Woyzeck, og finske Kristian Ruutu framstiller Woyzecks rival Kapteinen.

– Måtte forme Marie frå grunnen

Historia om Woyzeck, ein soldat som vert sviken av kjærasten sin og difor tek livet av henne, er henta frå eit ufullført teaterstykke av Georg Büchner frå 1837. Av dei mange omarbeidingane er Alban Bergs opera «Wozzeck» ei av dei mest kjende.

Det mest utfordrande for Eugenie Skilnand var prosessen med å gi rollefiguren sin kjøt og blod på ballettscenen:

– Det stod for lite om Marie i teaterstykket til at eg vart skikkeleg kjend med henne, seier Skilnand til NRK.no.

– Eg måtte finne fram til henne sjølv, saman med koreografen og dramaturgen. Det har teke lang tid, samanlikna med kjende karakterar som Julie eller Giselle. Dei er ganske gjennomarbeida frå før, ein kjem til dekka bord og kan legge til sitt eige uttrykk. Det å måtte forme ein karakter frå grunnen har vore ei utfordring, men også veldig gøy.

– Ho er verkeleg ein kunstnar

Musikken til «Woyzeck» er av fire komponistar frå vår eiga tid, Martin Donner, Philip Glass, György Kurtág og Alfred Schnittke. Stemninga i musikken vekslar frå det lettsindige og til tider sirkusaktige, til det intense og mørke.

– Hensikta med den leiketøyaktige musikken er å skape ei uhyggeleg stemning, gjennom kontrasten til det som går føre seg mellom personane på scenen, seier koreograf Christian Spuck, som har valt ut musikkstykka.

Spuck er full av lovord om Eugenie Skilnand sin innsats:

– Ho er ein svært god dansar, ei prima ballerina på høgt nivå. Det finst mange gode dansarar, men ho er verkeleg ein kunstnar. Ho har ein teknikk og eit nærvær på scenen som gjer henne i stand til å fortelje historier og formidle djupe kjensler.

Kulturstrøm

  • Sjette førsteplass på albumlisten for Ariana Grande

    Ariana Grande sikrer seg sin sjette førsteplass på den amerikanske albumlisten med sitt sjuende studioalbum.

    – En uke med evig solskinn, skrev Ariana Grande i helgen på Instagram – og siktet til suksessen som hennes sjette album, kalt nettopp «Eternal Sunshine», har.

    Utgivelsen solgte det som tilsvarer 227.000 albumenheter i sin første uke, noe som er årets beste hittil, ifølge Billboard. Blant annet ble låtene strømmet 195 millioner ganger. Den nye platen, som også topper VG-lista her hjemme, er laget i samarbeid med svenskene Max Martin og Ilya Salmanzadeh.

    Grande har tidligere toppet albumlisten med «Positions» (2020), «Thank U, Next» (2019), «Sweetener» (2018), «My Everything» (2014) og «Yours Truly» (2013). 2016-platen «Dangerous Woman» kom «bare» til en andreplass.

    Ariana Grande
    Foto: AFP
  • Fem land vil ha «Cammo»

    NRK har inngått opsjonsavtale med Tyskland, Frankrike, Spania, Belgia og Nederland om nyinnspillinger av dramakomedien «Cammo».

    Over 700.000 så første sesong av «Cammo». Serien handler om influenseren Cammo, som går konkurs og må ta på seg jobben som støttekontakt for Kamilla med Downs syndrom.

    – Dette er helt surrealistisk! At humoren og historien i «Cammo» kan treffe både spanjoler og tyskere er skikkelig gøy. Jeg gleder meg til å se hvordan de forskjellige landene tolker manus, og er så takknemlig og glad for at historien om Cammo og Kamilla potensielt skal bli fortalt til så mange millioner mennesker, sier Caroline Glomnes, serieskaper og hovedrolleinnhaver.

    Katelyn Garbin og Caroline Glomnes i rollene som Kamilla og Cammo.
    Foto: NRK

Flere kulturnyheter