Sara har spilt fiolin lenge, heilt sidan ho var fem år. Fiolina har nok ikkje fått ligge i ro lenge i heimen til Sara, og det er ikkje berre fordi Sara speler mykje, men og fordi det er fleire i familien som speler fiolin. Faren, Ting Zu Chen og søstera Catharina Chen spelar begge fiolin. Og kanskje du no tenkte; det var noko kjent med namnet til søstera så har du heilt rett, fordi Catharina kom på andre plass i Kjempesjansen i 2003. I år er det lillesøstera sin tur.
På laurdag kan vi få sjå om Sara kjem like langt som søstera gjorde, ho tek med seg fiolina si inn i studio og skal framføre ”Spansk dans” av Manuel De Falla og Fritz Kreisler for alle oss som sit heime i godstolen. Men kanskje du allereie no vil høyre Sara spele, då kan du sjå hennar her.
To forbilde
Unge Sara Chen har to store forbilde. Læraren hennar har forandra og inspirert ho og søstera er og eit godt forbilde. Det er to enkle grunnar til det, ho er så flink og ho gir vekk så mange smarte tips, og sidan Catharina veit korleis det er å vere med på Kjempesjansen kan ho nok gje søstera nokre smarte tips når det gjeld det og.
På radio og TV
Det er ikkje få gongane femtenåringen har vore på radio eller tv. Ho har blant anna vore med på "Julemorgen" to gongar. Den eine gongen spelte ho duett med Arve Tellefsen, og den andre spelte ho duett med søstera. På radio har ho blitt spelt på NRK klassisk.
Kva vil du bruke pengane du vinn til?
- Eg vil spare opp til ei ny fiolin. Kurs og instrument kostar mykje pengar og litt støtte til det hadde gjort seg.
På gøy med Sara:
Kva er det mest nerdete ved deg?
- Eg kan bli sittande framfor datamaskina mi ei god stund, og dessutan er eg TV-slave.
Kva er det mest sære du kan finne på når du har ein fridag?
- Eg kan klippe i stykk kleda mine, får så å sy dei saman igjen i ein ny fasong eller form.
Har du nokre fobiar?
- Veps og edderkoppar er noko av det verste eg veit! I det heile tatt insekt.
