Hopp til innhold

Knut Risan er død

Skodespelar Knut Risan, stemma bak «Tre nøtter til Askepott», døydde tysdag.

Et Dukkehjem

Knut Risan som Helmer og Lise Fjeldstad som Nora i Fjernsynsteatrets klassiske oppsetning av ”Et dukkehjem”.

Foto: NRK

Skodespelar Knut Risan er død, 80 år gammal. Det stadfestar Nationaltheatret.

– Eg kan stadfeste at vi har fått beskjed av familien om at han er død, seier informasjonssjef Alexander Bergan ved Nationaltheatret til VG Nett.

Stemma bak Askepott

Risan er kjent for roller som kongen i «Reisen til julestjernen», Helmer i «Et dukkehjem» og blomsterhandlar Rosengren i «Jul i Skomakergata».

Ikkje minst er stemma hans kjent for mange gjennom filmen «Tre nøtter til Askepott», som blir vist på NRK kvar julaftan, der han har stemma til alle karakterane.

Video Risan fra Askepott

SJÅ VIDEO: Knut Risan er blant anna kjent som stemma i «Tre nøtter til Askepott».

– Alle stemmene til filmen vart spelt inn i hui og hast ein sommardag i 1973, fortalte Risan i eit intervju med Aftenposten i 2009.

Risan debuterte på Nationaltheatret i 1955, og spelte 148 roller der i løpet av karriera. Han spelte også ved Den Norske Opera, Den Nationale Scene og Riksteatret.

Knut Risan mottok Per Aabels ærespris i 1993. Han pensjonerte seg som skodespelar i 1998.

SJÅ INNSLAG I DAGSREVYEN HER:

Video Knut Risan

SJÅ: Knut Risan hadde ei mangfaldig karriere.

Innholdet som skulle vises her støttes dessverre ikke lenger.
Innholdet som skulle vises her støttes dessverre ikke lenger.

Kulturstrøm

  • Girl in Red med historisk milepæl

    Ho er den første norske kvinnelege artisten som har fått éin milliard strøymingar på ein song på strøymetenesta Spotify.

    Det er låten «we fell in love in october» som har bikka éin milliard, ifølgje VG. Låten blei gjeve ut i 2018.

    Marie Ulven Ringheim, som ho eigentleg heiter, seier til avisa at ho synest det er veldig gøy at ei låt som ho har skrive, produsert, miksa og mastra har resonnert så mykje.

    Girl in Red
    Foto: ANNA KURTH / AFP
  • «Victoria må dø» vant publikumspris

    Den norske filmen «Victoria må dø» vant publikumsprisen under årets Barnefilmfestival i Kristiansand.

    «Mounted Games» av Karen Houge vant årets pitchekonkurranse og «Smerteterskel» stakk av med prisen for beste kortfilm.

    Festivalsjef Cathrine Sordal forteller i en pressemelding at det har blitt vist 83 filmer fra 42 land under årets festival.

    Barnefilmfestivalen har i år delt ut 10 ulike filmpriser. Her kan du lese om alle vinnerne.

  • Aaron Sorkin skriv «The Social Network»-oppfølgar

    Aaron Sorkin held på med eit manus til det han kallar «ein slags The Social Network-oppfølgar», fordi han meiner Facebook har skulda for storminga av Kongressen i USA 6. januar 2021.

    Det sa Sorkin under ei direktesending av podkasten «The Town». Han vil derimot ikkje seia kvifor han meiner Facebook står bak storminga.

    Sorkin fekk ein Oscar for manuset til dramafilmen The Social Network frå 2010, regissert av David Fincher. Filmen tek for seg oppstarten av Facebook.

    Sorkin har tidlegare sagt at han ønsker å skriva ein oppfølgar som utforskar «den mørke sida» av Facebook, særleg dersom Fincher vil regissere.

    Aaron Sorkin
    Foto: GARY HERSHORN / Reuters