Del av lyre frå Hebridene - Gjenstanden arkeologane fann er både brend og skadd, men likevel attkjennande som ein del av eit strengeinstrument.Historic Scotland

Gjenstanden arkeologane fann er både brend og skadd, men likevel attkjennande som ein del av eit strengeinstrument.

Foto: Historic Scotland

Fann Europas eldste gitar

På Hebridane har arkeologar funne restar etter eit meir enn 2300 år gammalt strengeinstrument – det eldste som nokon gong er funne i Europa.

Det var i ei grotte på øya Skye, ei av dei indre Hebridane utanfor skotskekysten, forskarane fann det dei trur er restane av ei lyre, skriv BBC. Det dei har funne er truleg stolen på lyra, det vesle brettet som strengane var spent over (som på ein fiolin) på det gitar- eller harpeliknande instrumentet.

– Forskyvar historia meir enn tusen år

– Funnet inneber eit sjumilssteg for Skottland og alle oss på øyriket, seier den Cambridge-baserte musikkarkeologen Graeme Lawson, som har studert funnet.

– Det forskyvar historia for avansert musikk meir enn tusen år bakover, inn i vår mørkaste forhistorie. Og ikkje berre musikkens historie, men meir spesifikt den delen som handlar om song og poesi, for det var det ein brukte slike instrument til.

I det som no er Irak, har ein funne restar av strengeinstrument frå 5000 år tilbake, men dei eldste kjende funna i Europa har vore nordiske instrument frå 600-talet.

– Knyter Hebridene til dei berømte sivilisasjonane

Lyrestolen vart funnen i High Pasture Cave, som har vore i arkeologane sitt søkelys sidan 1970-talet. Funnet skaper stor lokal entusiasme i Skottland, og vart nyleg presentert i Edinburgh av den skotske kultur- og utanriksministeren Fiona Hyslop.

– Gjenstanden set Hebridene, og dermed også fastlandet omkring, i ein musikalsk samanheng ikkje berre med resten av den barbariske verda, men også med dei berømte sivilisasjonane. Det står fram ei verd som vart halden i hop ikkje berre av teknologi og handel, men av noko som forgjengeleg og vakkert som musikk, poesi og song, seier Graeme Lawson.

Særleg innanfor den antikke greske kulturen var lyre eit populært instrument.

Steve Birch, Fiona Hyslop, John Purser og Graeme Lawson - Utgravingssjef Steve Birch, kultur- og utanriksminister Fiona Hyslop, kulturhistorikar John Purser og musikkarkeolog Graeme Lawson med ein kopi av lyrebiten.Historic Scotland

Utgravingssjef Steve Birch, kultur- og utanriksminister Fiona Hyslop, kulturhistorikar John Purser og musikkarkeolog Graeme Lawson med ein kopi av lyrebiten.

Foto: Historic Scotland

Siste nytt: Kultur

  • Ny smakebit fra Foo Fighters

    Sjefen for Twitter Music, Bob Moczydlowsky, postet i går en videosnutt med et utdrag fra bandets nyeste album «Sonic Highways». Videoen ble retweetet av Foo Fighters offisielle Twitter-konto. Rockernes åttende album slippes 10. november i USA.

Kultur og underholdning på TV og radio

Kulturprogram - nyhetsprogram
Musikalsk fest i mange sjangre med Totto Mjelde og Tarjei Strøm som lokførere. 
Gjester, spalter, humor, konkurranser og den aller beste musikken
Hvem er det som bestemmer hvordan historiske hendelser skal huskes? Er det historikerne eller øyenvitnene? Et all-europeisk nettsted gir deg alt du måtte ønske under en paraply, både de store og de små historiene. / Hun var den uekte datteren av en kaptein og en slavekvinne, men vokste opp blant sosieteten i England på slutten av 1700-tallet. Nå kommer filmen om Dido Elizabeth Belle som bidro til at slaveriet ble opphevet i Storbritannia. / Hva får du hvis du setter en tribune ut mot havet? En strøm av assosiasjoner. / Selfiestafetten fortsetter, vi ringer dagens forfatter / Hvordan få barn og unge til å lese bøker innimellom dataspillene og mobilbruken? / Vi byr på avhengighetsdannende mobil-spill, rock fra 70-tallet og en svensk tegneserieskaper med eget radioprogram i dagens Anbefalingspanelet / Vi blir bedre kjent med datidens Oprah Winfrey i vår serie om glemte historiske kvinner.