Det er Per Kristiansen som skjuler seg bak forfattarpseudonymet «Anonym». Det avslørte Kagge Forlag tysdag morgon.
- LES OGSÅ:
ER DU OVERRASKA OVER AVSLØRINGA? KOMMENTER UNDER!
– Mange har kravd at eg skulle stå fram etter eg skreiv «Kongepudler», seier Kristiansen.
Kristiansen vil ikkje kalle det ein personleg siger, men han vedgår likevel at han er skuffa over pressa for at dei ikkje har klart å avsløre kven han er.
– Eg hadde svart ja dersom pressa hadde spurt meg. Men det er grenser for kor lenge eg gidd å vente, seier Kristiansen.
Bakgrunn frå NRK
Han understrekar at han var veldig usikker på om han skulle stå fram no. Men då Anne Holt og Arne Strand gjekk fram og påstod det var dei, så forsvann all tvil.
Per Kristiansen er ein ukjend person i norsk samfunnsliv. Han sa på pressekonferansen at han har ein mangslungen bakgrunn, blant anna frå reklamebransjen. Han har også jobba i «Hallo i Uken» på NRK P2, som tekstforfattar og satirikar.
Kristiansen seier han har ingen konkrete planar om å skrive fleire bøker, men spøkte med tanken om å skrive ei barnebok om «Anonym».
– Kvifor stod du fram i dag?
– Det som skjer i røynda i Noreg i dag er mykje meir morosamt enn det eg klarar å finne på. Så eg lar røynda styre, seier Kristiansen til NRK sin reporter på staden.
– Korleis har det vore å halde det skjult så lenge?
– Det har ikkje vore vanskeleg å halde på løyndomen. Eg har hatt mange lojale folk som eg har ledd saman med, seier Kristiansen som vedgår at kona er ein av dei få som visste om det.
Tenker ikkje på kjendisstatus
Dagleg leiar i Kagge Forlag, Erling Kagge, presenterte «Anonym» på pressekonferansen.
– «Det å vere forfattar og det å vere kjendis er motsetnader», sa Jon Fosse ein gong. Så me tok Jon Fosse på ordet. Og det gjekk betre enn me hadde førestelt oss, seier Kagge på pressekonferansen.
Sjølv seier Kristiansen at han tenkjer lite over at han sannsynlegvis kjem til å bli kjendis etter dette.
Kristiansen har skrive fire bøker under pseudonymet.
Eit svært stort pressekorps var i dag på plass for å få med seg når 'Anonym' vart avslørt.
Foto: Larsen, Håkon Mosvold / Scanpix
