Tor Erling Gransæther lea eahppelboanda. Ja čakčamánuin lea eahppelboanddas olu bargu go galgá čoaggit 30 tonna eahppeliid 4000 muoras.
Fállat eahppelvásáhusaid
Tor Erling Gransæther jođiha Eplegården-eahppeldállodoalu ovttas eamidiin, Sisseliin. Buskerudas, Storsand nammasaš gilážis, leat sudnos 4000 eahppelmuora. Muhto eahppeliiguin ii rikko iešalddis, ja danin háliideigga soai eamidiin rievdadit vuođđoealáhus-dálu dakkár báikin gosa guossit sáhttet boahtit. Nu leage eahppeldállu šaddan dakkár dállodoallun gosa mánáidgárddit, bearrašat ja vaikko geat sáhttet boahtit guossin ja maid gávppašit eappelbuktagiid.
Buoremus eahppelšládja
Son leaikkastallá ahte oallugat earuhit eahppeliid dušše ivnni vuođul, muhto sudno eahppeldálus leat 25 iešguđetlágan šlája juohkelágán ivnnis- vel rátnásat ge. Ja su jiellat lea Ribston-nammásaš eahppel. Dat lea fasti olggosoaidnit, muhto njálggat. Ja dan ii sáhtte makkárge gávppis oastit.
Buolliviinni ráhkadit
Golmma jagi geahčen diehtá Tor Erling Gransæther šaddá go sus jugahahtti buolliviidnii man eahppeliiguin ráhkada.
Dál leaba eamidiin ollašuhttimiin oalle stuora rievdadeami sudno doaimmas, go dál leaba ráhkadišgoahtán buolliviinni eahppeliiguin. Golbma jagi galgá viidni orrut eaikafárppaliin, ja ii leat ban daddjon makkár jugus das šaddá- šattaš go oba jugahahtti ge.
