Sjeldan tiger fanga på film

Tigerteamet frå WWF Indonesia vart svært overraska då dei såg gjennom filmmaterialet frå kamera utplassert i skogområdet Bukit Tigapuluh.

I løpet av berre to månader med filming hadde kameraa filma heile tolv ulike individ av den trua arten sumatratiger (sjå faktaboks).

• Les også: Skjulte dyrekamera fanger sky arter
• Les også: Tigerbrev fra New Delhi Zoo
  

Leiken søskenflokk

Videoopptaka viser blant anna ein leiken søskenflokk på tre tigerungar.

Dei nyfikne ungane er tydelegvis svært interesserte i kameraet, og i videoen kan vi sjå at dei stadig er tett opp til linsa for å undersøke kva dette er.

• Les også: Skalla papegøye og 4 meter lang anakonda blant nyoppdaga artar i Amazonas

Opptaka er gjort av automatiske kamera som er plassert omkring i skogen, og som går i opptak når dei registrerer rørsle. Individa som er filma høyrer til to ulike tigerfamiliar.

Fare for nedhogging

– Det som er uklart, er om vi finn så mange tigrar fordi vi har blitt betre til å plassere kameraa våre, eller om årsaka er at tigerens habitat krympar så raskt at dei blir pressa til å dele stadig mindre og mindre område av skogen, seier Karmila Parkassi, leiar av WWF sitt tigerteam i Sumatra.

Skogen der tigrane har blitt filma har blitt erklært globalt prioritert tigerbevaringsområde for å redde den svært utsette arten. Likevel står skogområdet i følgje WWF i akutt fare for å bli hogd ned av papirindustrien.

• Les også: Ødeleggelsene av skogene avtar

På verdsbasis har tigerbestanden falt frå om lag 100 000 individ på byrjinga av 1900-talet, til berre nokre få tusen i dag.

Mellom 2004 og 2010 har området Bukit Tigapuluh mista over 2000 kvadratkilometer skog til papirindustrien.

– Videoen beviser kor viktig denne skogen er for økosystemet i området og som grønn korridor, seier Anwar Purwoto, leiar for WWF-Indonesia sitt skogs- og artsprogram.