Giske vald som nestleiar i Trondheim Ap

– Det er dette som er demokrati. Det er det motsette av eit kupp.

Det seier Trond Giske etter at han er vald inn som nestleiar i Trondheim Arbeidarparti.

Er dette eit seg på vegen tilbake til rikspolitikken?

– Eg er open for det, men eg har ikkje konkludert på det. Eg konkluderer når den tid kjem, svarar Giske.

I forkant av årsmøtet til Trondheim Ap har Giske blitt skulda på for å jobbe i kulissane og planlegge eit kupp.

– Skal bli enno sterkare

Saman med ny leiar Pål Sture Nilsen skal Giske styre Trondheim Ap i eitt år.

– Eg kjem til å bruke all mi vakne tid til å sørge for at me saman med fagrørsla blir enno sterkare. Eg håper verkeleg at dette er starten på noko nytt, spennande og ordentleg godt arbeid for Trondheim Ap, seier den nye leiaren i Trondheim Ap.

I 2003 blei Nilsen verva inn i Klæbu Arbeidarparti og har sidan 2015 sete på fylkestinget.

Det var eigentleg Marit Selfjord som var innstilt nestleiar i det nye styret, men foreslo sjølv ei endring i innstillinga.

– Eg foreslår at eg og Trond Giske bytter plass, sa ho.

Og slik blei det.

Valkomiteen i Trondheim Arbeidarparti kom einstemmig fram til innstillinga til nytt styre.

– Me har hatt ein krevjande jobb og me får mykje kritikk.

Det sa leiar for valkomiteen, Eva Kristin Hansen, rett før nytt styre skulle veljast.

– Giske sa eg var illojal

Det har vore eit dramatisk døgn i Trondheim Arbeidarparti. Leiar måtte gå etter at det blei stilt mistillitsforslag.

Då tok eit oppgjer med Trond Giske frå talarstolen.

– 22. mai fekk eg ein telefon frå leiar i Nidaros, Trond Giske, med beskjed om at eg var tilhengar av AUF og at eg var illojal til partiet.

Det sa Gunn Elin Høgli i avskjedstalen sin.

Både ho og fleire i partiet har dei siste dagane retta kritikk mot Giske.

Ei av dei er Trude Basso i Trondheim Ap.

– No var det nok for oss. Nok er nok. Ein kan seie ting sjølv eller ein kan jobbe strategisk og langsiktig for å få det som ein vil. Det er ikkje greitt, seier Basso.

Ho beskreiv situasjonen til Adresseavisen som om partiet lever i nåde fordi Giske har ambisjonar for seg sjølv.

Det er ikkje Giske einig i.

Giske: Høgli snakkar ikkje sant

– Eg synest sånne prosessar alltid er vond og vanskeleg, men nokon gonger må du ha eit nytt team, seier Trond Giske etter at Høgli har gått av.

Han seier Høgli si framstilling ikkje stemmer.

– Me har nok hatt våre usemjer og me har jobba tett saman på lag. Men her var det medlemmane i Trondheim arbeidarparti som sa at me trong ei ny leiing, ny giv og ny retning.

Giske sitt lokallag Nidaros sosialdemokratisk forum støtta Høgli då ho blei vald for eit år sidan. No har dei snudd. Giske forklarar dette med resultata det siste året.

– Det er sjølvsagt alltid vondt når ein skal gjere personval.

Men det er ikkje berre Høgli som har peika på Giske som hjernen bak mistillitsforslaget.

Tidlegare avviste Giske avviser at han ønsker å bli leiar, men han blir no innstilt som styremedlem.

Ny leiar og nytt styre blir stemt over og vald på slutten av årsmøtet laurdag.

– Ganske alvorleg

NRK har vore i kontakt med Statsministerens kontor for å få ein kommentar frå Jonas Gahr Støre om partikulturen i Arbeidarpartiet og situasjonen i Trondheim. SMK viser til partisekretær Kjersti Stenseng, som er lite imponert over lokallaget fredag kveld.

– Det er ganske alvorleg for Trondheim Ap når persondiskusjonar og konfliktar blir oppladinga til eit veldig viktig årsmøte.

Laurdag seier Stenseng at dette også er alvorleg for Arbeidarpartiet generelt.

– Me veit veldig godt at den type personkonflikt og diskusjonar tek fokuset bort frå politikken.

Like før nytt styre skal endeleg veljast har Stenseng klare forventningar til å samle partiet.

– Det kviler eit veldig stort ansvar på det nye styret i Trondheim Arbeidarparti. Bakteppet er ganske dramatisk, med mistillit mot ein leiar som ikkje er på val, legg Stenseng til.

Ho seier det er trist å lese om konfliktane i media, og ber alle respektere usemje både i politikk og personar.

– Også håpar eg at det som har skjedd no blir ein vekker for dei, og at vi kan bruke denne helga til å kome oss styrka vidare.

Trekte seg som nestleiar

– Dette ser ut som ein koordinert og regissert kampanje for å fjerne styreleiar.

Det sa Jørn Arve Flått då han trekte seg som nestleiar i Trondheim Arbeidarparti i natt.

I går måtte sittande leiar i Trondheim Ap gå etter mistillitsforslag. Heile prosessen blir kritisert av fleire andre.

I natt sende nestleiaren ein e-post til valkomiteen med beskjed om at han trekker seg som nestleiar og kallar mistillitsforslaget eit uakseptabelt kupp.

– Prosessane synest eg har vore uryddig og til dels ufin. Også denne prosessen. Derfor varsla eg om at eg ikkje vil sitte i det nye styret.

Det var Adresseavisen som omtalte e-posten først.