Hopp til innhold
Badou
Foto: Sondre Dalaker / NRK

Sogndal fotball

Oppsummert

Få siste nytt om Sogndal fotball. Har du tips? Send oss ein e-post på sf@nrk.no eller ei melding på Facebook.

  • Scora to mål i Sogndal-tap

    Erik Hovden Flataker scora to mål, men Sogndal Fotball tapte dagens treningskamp mot divisjonskollega Aalesund. Resultatet vart 3-2 til tangotrøyene. Son til Ole Gunnar Solskjær, Noah Solskjær, har tidlegare spelt for Sogndal. Med to mål og ein målgjevande pasning vart han tunga på vektskåla. Eivind Kolve scora også for Aalesund.

    Erik Flataker
    Foto: Sondre Dalaker / NRK
  • Baidoo klar for Sogndal

    Sogndal Fotball og Asanska Football Club er samde om ein overgang for 18-åringen Edmund Baidoo. Ghanesaren er angrepsspelar og deltok på treningssamlinga i Spania i førre veke. – Han har stor fart og god teknikk og kan utfordre ein kvar forsvarar. seier trenar Tore André Flo til Sogndal sine nettsider.

  • Sogndal-tap i Spania

    Sogndal Fotball tapte 1-2 i dagens treningskamp mot ukrainske Metalist 1925. Joakim Nundal sende Tore André Flo sitt mannskap i føringa til pause. Leiinga heldt seg til ti minuttar etter kvilen. Avgjerda kom på straffespark kvarteret før slutt.

  • Sogndal slo Real Murcia

    Martin Sjølstad sikra Sogndal sigeren i sluttsekunda då dei i ettermiddag slo Real Murcia i Spania. Laget spelar til dagleg på tredje nivå i spansk fotball. Kristian Kongelf og Martin André Sjølstad scora måla i 2-1-sigeren. Sogndal leia 1-0 til pause.

    Martin André Sjølstad, Sogndal sesongen 2023
    Foto: Christian Blom