Hopp til innhold

Vuordámušat šiehtadallamiidda

– Illudahtti go Sosialisttalaš gurutbellodat (SG) evttoha 10 miljovnna ruvnnu lasi Sámediggái. Dalle oččošeimmet juobe haddegoargŋuma ovddas lasáhusa, lohká sámediggeráđđelahttu Runar Myrnes Balto (NSR).

SG almmuhii iežas bušeahttaevttohusa otne. Bellodat evttoha 52,5 miljovnna ruvnnu lasáhusa sámi doaimmaide.

Balto muittuha ahte Sámedikki bušeahtta sávaldat lea 200 miljovnna ruvnnu lasáhus, go leat nu olu ieš guđet ge doaimmat maidda dárbbašuvvo ruhta. SG lasáhus livčče buorre álgu, su mielas.

Ráđđehus ja Sosialisttalaš gurutbellodat šiehtadallagohte otne boahtte jagáš bušeahtta dárbbuid.

– Sávan duođaid ahte SG dáid šiehtadallamiin ii vajálduhte bellodaga bušeahttaevttohusa sámi doaimmaide, lohká Myrnes Balto.

Korte nyheter

  • Sámediggepresideanta jurddaša sin birra geat gillájedje suoidnemánu 22. beaivvi terrordagu maŋŋá

    Les på norsk.

    – Dat lei politihkalaččat movttiidahttojuvvon terrorisma ja njuolggo AUF ja Bb falleheapmi, muhto dat lei maiddái demokratiija ja nuoraid falleheapmi, čállá son Facebook:i.

    Son čállá viidáseappot ahte muhtimin son jurddaša man duostilat sii geat ledje Utøyas dan beaivvi leat, ja man stuorra ovddasvástádusa sii váldet jođihit politihkalaš barggu viidáseappot.

    – Buohkaide earáide: mii fertet muitit áimmahuššat guđet guimmiideamet - vaikko mis muhtimin sáhttet leat iešguđetge oaivilat, de leat mii lihtolaččat eanaš beivviid dan barggus ahte ráhkadit buoremus boahtteáiggi buohkaide, čállá son.

    Silje Karine Muotka
    Foto: Solveig Katarina Fossum Norberg / NRK
  • Ođđa hárjehallanguovddážin háliida nannet ássanmovtta Kárášjogas

    Les på norsk:

    Sámediggi lea juolludan bealle miljovnna ruvnno Delta Iform hárjehallanguovddážii.

    Delta Iform áigu sirdit ja ođasmahttit guovddáža ja sávvet ahte dat sáhttá dagahit ahte olbmot bissot Kárášjogas.

    Guovddáža beaivválaš jođiheaddji, Jørgen Johnsen lea hui duđavaš doarjagiin.

    – Rámálmas ahte oaččuimet ná ollu, dadjá Jørgen Johnsen.

    Dán áigge leaba eamidiin ođasmahttimin hárjehallanguovddáža ođđa báikki, masa leat investeren čieža miljovnna ruvnno.

    Delta Iform rabai 2017:s ja dan rájes lea lokten valáštallanmovtta Kárášjogas. Dál leat sullii 280 miellahtut geat hárjehallet doppe.

    – Dán áiggis mii leat oaidnán mii dáppe váilo. Dál fertejit olbmot vuordit vuoru ja lea veahá unnán sadji. Kánske eai leat ge dat dávvirat maid olbmot háliidit, muitala son.

    Sámedikki doarjagiin áigot oastit ođđa hárjehallandávviriid, maid dadjá leat divrrasin.

    Johnsen ii loga doaimmahit hárjehallanguovddáža bálkká dihte, muhto go háliida nannet ássanmovtta Kárášjogas.

    Statistalaš guovddášdoaimmahat vuordá ahte Kárášjoga ássiidlohku boahtá njiedjat jagiid mielde. Dál orrot Kárášjogas 2550 olbmo, ja 2030:s vurdo leat njiedjan 2508 olbmui.

    – Hárjehallan han lea buorre buohkaide. Erenomážit dáppe Kárášjogas gos lea hui galmmas dálvet ja váttis joatkit hárjehallat. Dalle lea dá buorre fálaldat, dadjá Johnsen.

    Ii leat vel mearriduvvon goas rahpet ođđa hárjehallanguovddáža, muhto sávvamis dadjá geargat ovdal loahpageahčen 2024.

    Doarjut ealáhusdoaimmaid Sámis

    Sámediggepresideanta Silje Karine Muotka oaivvilda ahte doarjagat mat leat buorrin álbmotdearvvašvuhtii leat buori.

    – Mii buori mielain doarjut sámi ealáhusdoaimmaid prošeavttain mat maid leat buori álbmotdearvvašvuhtii. Go doarjut UML AS fitnodaga, de mii láhččit dasa ahte fitnodat sáhttá ovdánahttit, dadjá Silje Karine Muotka.

    UML AS lea fitnodat mii eaiggáda Delta Iform.

    Doarjja juolluduvvo doarjjaortnegis mii guoská máŋggabealálaš ealáhusaide. Okta ortnega vuoruhusain lea doarjut doaimmaid mat nannejit ealáhusaid main lea potensiála ovdánahttit, ja mat sáhttet leat mielde loktet ássiidlogu.

    Bilde av Jørgen Johnsen som står i lokaler som holder på å pusses opp.
    Foto: Privat
  • Sametingspresidenten minnes de berørte etter terroren den 22. juli

    Loga sámegillii.

    – Det var politisk motivert terrorisme og et direkte angrep på AUF og AP, men det var også et angrep på demokratiet og ungdommen, skriver hun på Facebook.

    Hun skriver videre at noen ganger tenker hun på hvor modige de hun har møtt som var på Utøya den dagen er, og hvor stort ansvar de tar med å føre det politiske arbeidet videre.

    – Til alle oss andre: vi må huske å ta vare på hverandre - selv om vi kan være meningsmotstandere noen ganger, så er vi allierte de aller fleste dager i arbeidet med å skape den best mulige fremtiden for alle, skriver hun.

    Silje Karine Muotka har Sametinget bak seg
    Foto: Håkon Mudenia / NRK