NRK Meny

Vujii lobiheame crossasihkkelin

Maŋŋebárgga deaivvai politiijajoavku muhtin olbmo gii vujii lobiheame crossasihkkelin Guovdageainnus. Politiija operašuvnnajođiheaddji, Sverre André Opdahl dieđuid mielde de fuobmái joavku albmá 20 jagiin, go vujii riikageainnus muhtin ásodatbáikái. Son lohká go politiijat oidnet diekkár vuodjima, de váldet sii dákkár áššiid duođalažžan. Ii leat saddji dákkár lágan tiŋggaide. Sii leat duoguštan vuodjinfievrru. Nu čállá iFinnmark.