Hopp til innhold

Viessohattit ain njidjet

Viessohattit njidje 2,2 proseanttain skábmamanus, čájehit Eiendom Norge logut. Dábálaččat njidjet skábmamanu viessohattit 0,9 proseanttain. dat mearkkaša ahte hattit leat njiedjan eambbo go dábálaččat. Golbma maŋimuš mánu leat viessohattit njiedjan 6,5 proseanttain, Eiendom Norge dieđuid mielde.

Dán jagi skábmamanus vuvdo 7.321 viesu Norggas, 14 proseantta unnit go diimmá skábmamanus.

Korte nyheter

  • Ii ollen jurddašit go gárttai muohtauđđasii

    Lei Nils Kristian Brynjulfsen gii sotnabeaivve maŋŋelgaskabeaivvi gárttai uđđasii, davábeale Sieidditunealla, Porsáŋggus gielddas. Brynjulfsen ja su eamit vujii muohtauđđasii go bođiiga olggos tuneallas. Su eamit čohkkedii biilavuoddjisadjái, ja Nils Kristian galggai čorget muohttaga biilla birra go uđas fierai. Ja nu geavai de Nils Kristian uđđasii. Eamit Mildrid nagodii fárrolaga muohtačorgenbiilavuddjiin roggat olggos Nils Kristiana uđđasis, ja son ii roasmmehuvvan.

  • Váruha rámbuvrraid lasihit hattiid

    Eanadoalloministtar Sandra Broch váruha rámbuvrraid lasihit hattiid eanet go maid lea dárbu. Rámbuvrrat ja buvttadeaddjit leat dieđihan ahte hattit lassánit hirbmosit guovvamánu 1. beaivvi rájes. Ággan dasa lea go olggosgolut lassánit, nu čállá VG. Borch dadjá ahte son ii ávžžut olbmuid mannat rámbuvrii gávppašit badjel meare jus ii leat plána. Dat dagaha eambbo borramušbálkesteami ja ahte olbmot ostet eambbo go maid dárbbašit.

    Hyller i en dagligvarebutikk
    Foto: Simon Skjelvik Brandseth / NRK
  • Norggas bálkestit 270.000 láibbi

    Juohke beaivvi bálkestit Norggas 270.000 láibbi. Rámbuvrrat bálkestit badjel 100.000 láibbi juohke beaivvi, ja Norgga ruovttuin bálkestit ges 17.000 láibbi. Nu čájehit Norsus, Norgga guoddevašvuođadutkan instituhta logut. Norggas bálkestit 200 láibbi juohke minuhtas, nu dadjá Too good to go Norge beaivválaš jođiheaddji Johan Ingemarsson Nationen neahttasiidui. Mattvett ja Norsus dieđuid mielde bálkestit jahkásaččat norgalaččat gaskamearálaččat 43 kilo biepmu maid sáhtášii borrat.

    Fine brød og grove brød
    Foto: Tobias Sakrisvold Martinsen