Hopp til innhold

Vibeke sártnui sámegillii: – Lei hui gelddolaš ovdagihtii

Dan mieđiha sámediggepresideanta Vibeke Larsen, guhte sárdnidii davvisámegillii Tråante 2017 doaluin, ja sávai lihku beivviin njeallje gillii.

Sametingspresidentene fra tre land taler under Tråante 2017

GOLMMA RIIKAIN: Sihke Norgga, Ruoŧa ja Suoma sámediggepresideanttat sárdnu 6. beaivvi guovvamánus Troandimis, 100 jagi ávvudeami oktavuođas. Gurutbealde: Vibeke Larsen (Norga), Håkan Jonsson, (Ruoŧŧa) ja Tiina Sanila-Aikio (Suopma).

Foto: Ole Martin Wold / NTB scanpix

– Dán jagi leat mii – sámi álbmot – fas čoahkkanan Troanddimii gos vuosttaš sámi riikačoahkkin lágiduvvui čuođi jagi áigi.

Nie álggii sámediggepresideantta Vibeke Larsen, 100-jagi ávvobeaivvi sártni Troandimis. Ja son sárdnidii olles sártni davvisámegillii. Ja dasa lassin loahpahii ná:

– Læhkoe biejjine! Vuorbbe biejvijn! Lihkku beivviin! Gratulerer med dagen!

Lihku sávaldagat sihke lullisámegillii, julevsámegillii, davvisámegillii ja dárogillii.

Vibeke Larsena sárdni sáhtat geahččat vuollelis.

Geavahii buori áiggi

– Ollosat moite ođđajagibeaivvi sártni, go it dadjan ovttage sáni sámegillii. Otne Tråante 2017 ávvobeaivvi hállet dušše sámegiela, manin?

Go dán háve mus lei áigi hárjehállat vai sáhtten sárdnidit sámegillii. Lei dehálaš buori áiggi geavahit, vai sáhtten leat oadjebas ahte sáhtten hállat ja čađahit olles sártni sámegillii, vástidii Larsen vuossárga NRK:i maŋŋá sártni.

Mo dat dovdui?

– Lei erenoamáš gelddolaš ovdagihtii, ja geahpádus go gergen, dadjá Larsen stuorra mojiin.

Ja Larsen muitala ahte son lea ožžon ollu rámi maŋŋá sártni, ja buot deháleamos ahte olbmot áddejedje maid son dajai.

– Dat lei somá, ja nu hávski

Okta dain geasa lei hui movttiidahtti gullat sámediggepresideanta sámástit, lea Tråante 2017 prošeaktajođiheaddjái, Ida Marie Bransfjell.

Ida Marie Bransfjell

ČEVLLOHALLÁ: Tråante prošeaktajođiheaddji Ida Marie Bransfjell čevllohallá go Vibeke Larsen hálai sámegillii.

Foto: Monica Falao Pettersen / NRK

– Dat lei somá, ja nu hávski. Ja mun dovddan ahte lean čeavlái sámediggepresidentii go dahká dan maid dahká. Mii diehttit buohkat ahte Larsen ii leat dan dahkan ovdal, ja go

sárdnida sámegillii dákkáraš beaivvi, de ii sáhtte heivet buoret, dadjá Bransfjell.

Bransfjell dadjá kritihkkii sámediggepresideanta vuosttá ahte ferte muitit goas Larsen lea bajásšaddan.

– Son lea šaddan bajás dáruiduhttimin, ja fertet muitit ahte son lea dušše olmmoš, nu mo mii earát, ja ahte son duostá geahčalit ja háliida geahčalit, lea hui buorre.

Vibeke Larsen holdt hele sin tale på samisk under åpningen av Tråante

Korte nyheter

  • Sametinget lanserer samehets.no

    Loga sámegillii.

    Onsdag 24. april lanseres en ny nettside: samehets.no, som skal fungere som en veileder for rapportering og anmelding av samehets.

    Nettsiden er et samarbeid med Sametinget og Politidirektoratet, hvor en kan få veiledning om hva en kan gjøre i ulike situasjoner hvor du har opplevd samehets. Du kan også finne info om hva samehets er, relevant lovverk, og oversikt over tjenester som kan gi veiledning og informasjon.

    Det skriver Sametinget på sine nettsider. 24. april er det lansering på Sametinget.

  • Sámediggi almmustahttá samehets.no

    Les på norsk.

    Gaskavahko, cuoŋománu 24. beaivvi, de almmuhuvvo ođđa neahttasiidu: samehets.no, mii galgá doaibmat bagadussan mo raporteret ja váidit sámecielaheami.

    Neahttasiidu lea ovttasbargu Sámedikkiin ja Politiijadirektoráhtain, gos olmmoš sáhttá oažžut rávvagiid dan birra maid sáhtát dahkat iešguđet sámecielaheami dilálašvuođain maid vásihat. Dáppe gávnnat maiddái dieđuid das mii sámecielaheapmi lea, guoskevaš lágaid ja bálvalusaid gos gávnnat bagadusaid ja dieđuid.

    Dan čállá Sámediggi iežas neahttasiidduin. Cuoŋomanu 24. beaivvi lea Sámedikkis almmustahttin.

  • Riddu Riđđu ansetter ny innholdsprodusent

    Loga sámegillii.

    Europas største urfolksfestival ansetter kåfjordingen Stian Pedersen som innholdsprodusent for to år. Pedersen vil ha et særlig ansvar for blant annet festivalens internasjonale arbeid.

    – Festivalen er uten tvil den viktigste scenen for urfolkskultur i Norge, sier han.

    – Det er ekstremt spennende å få lov til å jobbe med å øke synligheten til våre egne samiske artister både her hjemme og i utlandet.

    Det skriver Riddu Riđđu i en pressemelding.