NRK Meny

Váidet badjeláiggi geavaheami

Miehtá Davvi-Norgga váidalit Ambulánsa bargit go badjeláiggenjuolggadusaid ja vuoiŋŋastanáiggit bargoáiggi siskkobealde rihkkojuvvojit. Válljejuvvon luohttámušolbmot oaivvildit ahte dearvvašvuođaásahusain eai doaimma dearvvašvuođa, biras ja sihkkarvuođa dahjege HMS bálvalusat dohkálaččat, go jo bargodilli ii nuppástuva vaikko lea váidaluvvon máŋgga háve. Dán vahkus áigot bargobearráigeahčus dutkat Davvi-Norgga ambulánsaguovddážiid bargodili.