NRK Meny
Normal

Værsågod

Dárogiel dajaldat værsågod dávjá jorgaluvvo sámegillii ná: Leage buorre. Muhtumat eai ane dan nu vuogasin, ja sámediggeáirras Ole Mathis Hetta dajaige ná Roavvenjárgga čoahkkimiid áigge golggotmánus 2008. Guldal:

Leage buorre

Værsågod!
Foto: Jorun Vang/NRK

Sámegiel dajaldagat

Dás vuolábealde leat muhtun ovdamearkkat mat čájehit mo sámegillii sáhtášii dadjat værsågod ja takk.

Sihtat

Go áigut sihtat nuppi omd. borrat, juhkat káfe, de heive konditionálahámi geavahit:

1) Dá livččii borramuš.

2) Dál livččii borran láhkai.

3) Káffe livččii jo leikejuvvon.

4) Dá livččii káffe.

Geigestit

Go geiget nubbái juoidá, de heive konditionála- dahje diminutiivahámiid geavahit:

5) Gea, dá (livččii).

6) Dá, boras dán bierggu.

7) Dá, jugis dal káfe.

Giitit

Go giittát, de sáhtát omd. ná dadjat:

8) Giittos eatnat!

9) Giittos eatnat, eatnat giitu!

10) Giitu eatnat váivvistat! (Olu giitu váivvát ovddas!)

10) Giittos luoikamis!

10) Giitu!

Vástidit giitosii

Giitimii sáhttet maiddái leat dajaldagat:

11) Ii leat mihkkege giitámušaid.

12) Ii leat giitámuš.

13) Gal dan oasi.

14) Gal dan luoikamis.

15) Gal dan.

Gáldut: Konrad Nielsena sátnegirjjit ja grammatihkka ja Klaus Peter Nickela grammatihkka.