Makkár dálki vuosttaš beatnabeaivve lea, dakkár lea gitta lohppii, diđii guovdageaidnulaš muitalit.
Ivvarstádiin gis muitaluvvui ná: Go beatnatbeaivvit bohtet sisa harviin, de mannet olggos beaivvadagain. Go bohtet beaivvadgain sisa, de mannet olggos harvviin.
Muhto de lea vel čiežaoađđibeaivi 27.7. mii lea maid dálkemearkabeaivi. Dán beaivvi dálki bistá gitta bárdebeaivái, jos jo ii bistteš guhkit, čieža vahku.
Gáldu: J. Qvigstad, 1934.