Guovdageaidnulaš Dan Aikio (18) fuomášii rapmusihka njeallje jagi áigi.
Su artistanamma lea Dan$ku, ja Dan$ku ii gal leat čohkkán lummasgieđaid dán jagi.
Dan$ku lea dán jagis almmuhan olles guokte álbuma ja guokte siŋgela.
Eanas musihkkáriin lea skearrofitnodat mainna ovttasbarget.
Nu ii leat Dan$kus.
Ii heive mánáide
Vaikko su ođđaseamos álbumas, «Blokka», leat máŋga dovdduidečuohcci lávlaga, de leat vearjjut, áitagat ja politiijat dat mat dávjjimusat leat leamašan fáddán su lávlagiin.
– Manne nie garra teavsttat leat?
Dan$ku lei guhká eahpesihkar galggai go almmuhit «Blokka» álbuma, danne go das ledje nu litna lávlagat.
Lihkká dagai dan.
Tommy Tee rámida
NRK lea bivdán máŋggageardán Spellemann bálkkašupmevuoiti ja musihkkabuvttadeaddji, Tommy Tee, guldalit moadde lávlaga Dan$kus.
Son liiko dasa maid gullá.
Vaikko Tommy Tee liiko vuohkái movt Dan$ku ráppe, de leat sus moadde rávvaga sutnje lihkká.
– Leat nu ollu ráppárat geat ráppejit politiijaid ja vearjjuid birra, muitala dovddus musihkabuvttadeaddji.
– Somá gullat!
Dan$ku illuda go gullá maid Tommy Tee lea dadjan su birra.
Váillaheapmi
Artisttanamma «Dan$ku» ii šaddan dáhpedorpmis.
Su eadnerohke lávii su Danskun gohčodit.
Čielga áigumuš
Dan$kus lea boahtteáiggeplána juo gárvvis.
– Áiggun geahččalit oláhit Amerihkái iežan musihkain, dadjá son.
Viđa jagi geahčen jáhkká son iežas juo almmuhan máŋga eaŋgalasgielat ráppa.
- GULDAL: Dáppe gávnnat Dan$ku musihka.
- GULDAL: