Ulmutja sårmmimsadjáj manádi

Ulmutja manádi sårmmimsadjáj Oajevákken gånnå poasstagirdde gáhtjaj. Dasi ij Jåhkåmåhke-bulkke lijkku.

Ulovlig scooterkjøring i Oajevágge

Tjuorgas vuoset gåktu bulke gåvvå lij. Muohtavuojána jur gárde ålgusjbielen.

Foto: Pia Borgström/SVT Design / SVT

Ådåjakmáno gávtsát biejve poasstagirdde Oajevákken Svierigin gahtjaj. Guokta ålmmå hekkav massin. Sårmmima maŋŋela gárdde dán sårmminsaje birra tsieggiduváj.

Nágin vahko maŋŋela mierredij Jåhkåmåhke suohkan muohtavuojána e láhkusijda besa. Buorggo 500 miehtara rájge birra doajmmá. Nav ruvva gå muohta suddá, de galggi sajev rájnnit. Boahttsuæládussa l njuolgadusás bessam.

– Vieledahtes

Grafikk i forbindelse med flystyrten i Sverige

Poasstagirdde lij Råmssåj mannamin gå Oajevákken gahtjaj.

Foto: Flighttracker24.com (grafikk: NRK)

Bulkke l girddegåvåjt sajes válldám vásse sådnåbiejve, ja niellja muohtavuojána gåvån vuojnnuji. Da lidjin ållu sårmmimsaje guoran.

– Vuortijma ulmutja galggin dåk mannat. Dádjadav le njunjága, valla l ållu vieledahtes. Vierttiji bulkkebargov vielestit, valla aj maŋeldisbáhtsudisájt vieledit, javllá guoradallamnjunjusj Norrbotten bulkkeguovlon Per Finnberg.

Sáhkkudi

Da gudi ettjin lágav vieleda dal sáhkkudi.

– Da gudi danna lidjin lij vierev dahkam, ja dat le alvos. Gájkajn le åvdåsvásstádus gávnnat makkir láhkamærrádusá gávnnuji. Ij dåhkki diehtemahtesvuohtaj skulldit, javllá Finnberg.