Gå Sigmund Johnsen, gut la girjjevuorkkár julevsáme girjjebussan, manná bájkes bájkkáj, de ij la buorre diehtet makkir vuojánijn boahtá.
– Moattes li dal mujsta jæsskum goassa hiervvimav oadtjop gárvvásin.
Moadda jage l bussa dåssju rávvis bloahkka læhkám, valla ruvva de buorep sjaddá.
Ådå hiervvim
– Gåktu máhtti ulmutja vuojnnet dát ij la juokkirlágásj militærbijlla?
– Náv guhkás ep la oadtjum makkir diedojt sijdduj gåktu bussa sjaddá. Valla barggamin lip, ja jus gárvváni, de båhti da sadjáj. Midja lip adnám barggijt gudi li sárggum gåktu bussa galggá ålgusjbieles liehket.
Johnsen loabet nágin vahko duogen la bussa ådå hámen.
– De suohtas sjaddá. Ihkap juo dán máno gietjen.