NRK Meny
Normal

Ulla ođđa cd-skearru

Ulla Pirttijärvis lea ođđa cd-skearru fas ilbman. Dán vuoro oassálasttet su cd:s maiddái áfrihkalaš musihkkarat  ja lávlut. Oassi su lávlagiin leatge báddejuvvon Tanzaniijas.

 

Ulla Pirttijärvi

Ulla Pirttijärvi

Foto: Sámi Radio / NRK

Gula Ulla Pirttijärvi ja oasážiid su ođđa cd:s

Ulla Pirttijärvi ođđa cd-skearru namma lea "Áibbašeapmi". Álmmuhanbeaivi lea dán 28.beaivvi, ja 31.beaivvi lea vuosttaš konsearta. Ja Troandimis leat konsearttat guovvamánu vuosttaš ja nuppi beaivvi. 

Geat oassálasttet cd-skearrus

 

Frode Fjellheim

Frode Fjellheim

Foto: Vuelie.no

Dán cd-skearrus oassálasttet earret eará multiinstrumentalistta ja juoigi Frode Fjellheim, gitára čuojaha Andreas Haddeland, perkušuvnnas leaba Stian Larssen ja Snorre Bjerck. Cello čuojaha Kristin Alsos Strand ja barytonsaxa ges John Pål Inderberg. Ja oassi šuoŋain leat báddejuvvon Tanzanias, nu leat maiddái áfrihkalaš lávlut ja čuojaheaddjit dáid osiin mielde.

Ulla Pirttijärvi ássá Ohcejogas Suomas

Pirttijärvi áššá Deanuleagis Ohcejoga gilážis. Son lea ovdalis jođašan olles Europas Angelit joavkkuin, joavku lea maid leamnaš Japánas. Angelit-joavku lea dat joavku mii Suomas lea ovddastan eanemusat máilmme musihkkahámiid.

Leanadáiddár

Ulla Pirttijärvi lea Suoma Lappi leana leanadáiddár. Son lea bálkáhuvvon dáiddár, ja son mátkošta guovllus gos lávlu ja juoigá sihke mánáide, nuoraide ja ollesolbmuide.

Bargá ovttas Frode Fjellheimain

Maŋimuš jagiid lea son maiddái mátkoštan konseartamátkiin Frode Fjellheimain, muhto lea gal maid eará davviriikka musihkkáriid mielde leamaš konseartamátkiin. Frode Fellheimain son lea ovttas buvttadan šuoŋaid cd-skearrude. Ja dál ilbmdeaba cd-skearru Áibbašeapmi.